Drink to cleanse lungs: ఈ డ్రింక్స్‌ తాగితే.. ఊపిరితిత్తులలో చెత్త శుభ్రం అవుతుంది..!

Authored byరాజీవ్ శరణ్య | Samayam Telugu 17 Jan 2023, 2:29 pm

have these drinks to clean your lungs and stay healthy — Drink to cleanse lungs: ఈ డ్రింక్స్‌ తాగితే.. ఊపిరితిత్తులలో చెత్త శుభ్రం అవుతుంది..!

Drink to cleanse lungs: మన శ్వాసకోశ వ్యవస్థలో ఊపిరితిత్తులు.. ముఖ్యమైన భాగం. ఊపిరితిత్తులు మనం పీల్చుకునే గాలిలో ఉండే ఆక్సిజన్ను గ్రహించి రక్త ప్రవాహంలోనికి పంపిస్తాయి. ఆ తర్వాత అవయవాల నుంచి బయటకు వచ్చే కార్బన్డయాక్సైడ్ను గ్రహించి.. ఊపిరి ద్వారా బయటకు పంపిస్తాయి. ఈ నేపథ్యంలో లంగ్స్ను ఆరోగ్యంగా ఉంచుకోవడం చాలా ముఖ్యం. నిత్యం మనం తిరిగే వాతావరణం, కాలుష్యం, తినే పదార్థాలు, తాగే ద్రవాలు, స్మోకింగ్, వివిధ రకాల వైరస్లు పలు ఇతర కారణాల వల్ల మన ఊపిరితిత్తులు అనారోగ్యం బారిన పడుతుంటాయి. వాటిల్లో కాలుష్య కారకాలు చేరుతుంటాయి. దీనికారణంగా.. శ్వాసనాళాల సమస్యలు, సైనస్, ఆస్తమా వంటి సమస్యలు, శ్వాసలోపం వంటి సమస్యలు వస్తూ ఉంటాయి. అందుకే, ఎప్పటికప్పుడు.. ఊపిరితిత్తులలో చేరిన మలినాలను తొలింగించాలని నిపుణులు చెబుతున్నారు. కొన్ని డ్రింక్స్ తాగితే.. ఊపిరితిత్తులలో పేరుకున్న చెత్త బయటకు వస్తుంది. దీంతో వాటి సామర్థ్యం పెరుగుతుంది, ఊపిరితిత్తులు ఆరోగ్యంగా ఉంటాయి.

తేనె..

క్యాల్షియం, ఐరన్, సోడియం, ఫాస్ఫరస్, సల్ఫర్, పొటాషియం వంటి ఖనిజ లవణాలతో పాటు విటమిన్ సి, విటమిన్ బి వంటి విటమిన్లు, ప్రొటీన్లు కూడా ఉంటాయి. తేనె ఊపిరితిత్తులలోని టాక్సిన్స్ను బయటకు పంపడానికి ఎఫెక్టివ్గా పనిచేస్తుంది. ఉదయాన్నే పరగడుపున గోరువెచ్చని నీళ్లలో తేనె కలిపి తాగితే.. ఊపిరితిత్తుల ఇన్ఫ్లమేషన్ దూరం అవ్వడంతో పాటు.. అవి శుభ్రం అవుతాయి.

గ్రీన్‌ టీ..

చాలా మంది బరువు తగ్గాలనుకునేవారు.. గ్రీన్ టీ తాగుతూ ఉంటారు. గ్రీన్టీ ఊపిరితిత్తులను శుభ్రపరచడంలోనూ ఫ్రభావవంతంగా పనిచేస్తాయి. గ్రీన్ టీలో యాంటీ ఆక్సిడెంట్లు పుష్కలంగా ఉంటాయి. ఇవి ఊపిరితిత్తుల్లో ఇన్ఫ్లమేషన్ను తగ్గించి.. టాక్సిన్స్ను బయటకు పంపుతాయి. . మీరు రోజుకు 2-3 కప్పుల గ్రీన్ టీ తీసుకోవచ్చు. ముఖ్యంగా ఉదయం పూట, రాత్రి నిద్రపోయే ముందు.. గ్రీన్ టీ తాగితే.. ఊపిరితిత్తులు శుభ్రపడతాయి.

పసుపు టీ..

పసుపులో ఔషధ గుణాలు మెండుగా ఉంటాయి. పసుపులో ఉండే కర్కుమిన్కు.. ఇన్ఫ్లమేటరీ గుణాలు మెండుగా ఉంటాయి. పసుపులోని యాంటీఆక్సిడెంట్లు జలుబు, దగ్గు, ఫ్లూ వంటి సమస్యలు దూరం చేస్తాయి. పసుపు టీ తీసుకుంటే.. ఊపిరితిత్తులు, శ్వాసనాళాల్లో పేరుకుపోయిన శ్లేష్మం కరుగుతుంది. ఊపిరితిత్తులలోని విషపదార్థాలు తొలగుతాయి.

అతిమధురం టీ..

అతిమధురంలో యాంటీ ఆక్సిడెంట్స్ పుష్కలంగా ఉంటాయి. దీనిలో ఔషధ గుణాలు.. శ్వాసకోశ సమస్యలు, దగ్గు, జలుబు వంటి సమస్యలను దూరం చేస్తాయి. తరచు అతిమధురం టీ తీసుకుంటే.. ఉపిరితిత్తులలోని విషపదార్థాలు తొలగి శుభ్రమవుతాయి. ఆస్తమానూ తగ్గించడానికి అతిమధురం టీ సహాయపడుతుందని నిపుణులు చెబుతున్నారు.

దాల్చిన చెక్క..

దాల్చిన చెక్కలో యాంటీఆక్సిడెంట్లు, యాంటీ ఇన్ఫ్లమేటరీ లక్షణాలు పుష్కలంగా ఉన్నాయి. ఇందులోని యాంటీ ఇన్ఫ్లమేటరీ లక్షణాలు ఊపిరితిత్తులను శుభ్రపరుస్తాయి. దాల్చిన చెక్క ఊపిరితిత్తులలో ఇన్ఫెక్షన్లు, అల్సర్లను నయం చేయడంలో సహాయపడుతుంది. దాల్చిన చెక్క టీ తరచు తాగితే.. ఊపిరితిత్తుల క్యాన్సర్ ముప్పు తగ్గుతుందని నిపుణులు అంటున్నారు.

ఏబీసీ జ్యూస్‌..

ABC జ్యూస్లో ఆపిల్, బీట్రూట్, క్యారెట్ మూడూ ఉంటాయి. ఈ మూడింటిలో శరీరంలోని వ్యర్థాలను తొలగించి శరీరాన్ని శుభ్రపరిచే గుణాలు ఉన్నాయి. ఈ జ్యూస్లో ఏ, బీ, సీ, ఈ, కే విటమిన్లు, ఫోలేట్, నియాసిన్, జింక్, కాపర్, పొటాషియం, మాంగనీస్, ఫాస్పరస్, ఐరన్, మెగ్నీషియంతో పాటు యాంటీ ఆక్సిడెంట్లు పుష్కలంగా ఉంటాయి. ఇవి శరీరంలోని మలినాలను బయటకు పంపి వ్యాధినిరోధక శక్తిని పెంచుతాయి.

ఎలా తయారు చేసుకోవాలి..?

డీటాక్సినింగ్ డ్రింక్ తాయారు చేసుకోవడానికి.. రెండు యాపిల్స్, క్యారెట్లు, ఒక బీట్రూట్ తీసుకుని చిన్న ముక్కలుగా తరిగి మిక్సీలో వేసుకోవాలి. మెత్తగా అయిన ఈ మిశ్రమానికి ఒక కాయ నారింజ రసం, అరచెక్క నిమ్మరసం, అర చెంచా అల్లం రసం, చెంచా మిరియాలపొడి వేసి మరోసారి మిక్సీపడితే.. ఏబీసీ జ్యూస్ రెడీ.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.