మలబద్ధకానికి కారణాలు..
మలబద్ధకం కూడా నేడు చాలా కామన్ అయిపోయింది. కడుపు ఉబ్బరం, మలబద్ధకం అనేవి రెండు దగ్గరి సంబంధాన్నే కలిగి ఉంటాయి. సరైన జీవన విధానం లేకుండా కారణంగానే ఈ రెండు సమస్యలు వస్తుంటాయి. ఈ రెండు సమస్యల్ని పరిష్కరించుకోవాలనుకుంటే కొన్ని టిప్స్ పాటించొచ్చు.
Also Read : Liver Problems : లివర్ ప్రాబ్లమ్స్‌‌‌లో ఎన్ని దశలు ఉంటాయంటే..
ఇంటి చిట్కాలతో..
చాలా వరకూ వచ్చే సమస్యలకు మన వంటింట్లోనే పరిష్కారం దొరుకుతుంటుంది. అలానే ఈ రెండు సమస్యలు కూడా ఇంటి చిట్కాలతో దూరం చేసుకోవచ్చని చెబుతున్నారు. వీటిని పాటించడం వల్ల ఎలాంటి సైడ్ ఎఫెక్ట్స్ ఉండవు. పైగా అన్ని వస్తువులు కూడా దాదాపు ఇంట్లోనే ఉంటాయి. సో, హ్యాపీగా ఫాలో అవ్వొచ్చు.
Also Read : Nail art Trends : నెయిల్ ఆర్ట్ వేసుకోవాలనుకుంటున్నారా.. ఇవే లేటెస్ట్ ట్రెండ్స్..
అరటిపండు..
అరటి పండు మనకి ఏ సీజన్‌లో అందుబాటులో ఉంటుంది. ఇది చాలా సమస్యల్ని దూరం చేస్తుంది. అలానే మలబద్ధకాన్ని కూడా. ఫుల్ ఫైబర్‌‌తో నిండి ఉన్న అరటిపండు మన పేగు కదలికల్ని మెరుగ్గా ఉండేలా చేస్తుంది. అంతేనా పొటాషియం మెండుగా ఉండే అరటిపండు సోడియం ఎక్కువగా తీసుకునే ఫుడ్స్‌తో వచ్చే కడుపు ఉబ్బరాన్ని దూరం చేస్తుంది. ఇది మీ డైజెస్టివ్ సిస్టమ్‌ని మెరుగ్గా చేస్తుంది. అరటిపండుని తొక్క తీసి ముక్కలుగా కట్ చేయండి. దీనిపై నల్లమిరియాల పొడి, ఉప్పు చిటికెడు మాత్రమే చల్లి రెగ్యులర్‌గా తింటే మలబద్ధకం దూరమవుతుంది. అయితే అరటిపండు పచ్చిగా ఉండకూడదని గుర్తుపెట్టుకోండి.
చిలగడ దుంపలు..
ఇలా చిలగడ దుంపల్ని కూడా తినడం వల్ల జీర్ణ క్రియ మెరుగ్గా ఉంటుంది. వీటితో పాటు పెరుగు, చియా సీడ్స్ వంటి ప్రో బయోటిక్ ఫుడ్ తీసుకోవాలి. ఫైబర్ ఎక్కువగా ఉండే పండ్లు, కూరగాయలతో జీర్ణ సమస్యలు దూరం. జీర్ణ క్రియ మెరుగ్గా ఉంటే ఈ సమస్యలన్ని దూరమవుతాయి. అయితే ఫైబర్ ఫుడ్ తీసుకోవడం వల్ల జీర్ణక్రియ మెరుగ్గా ఉంటుంది.
Also Read : Workout when fasting : తినకుండా వర్కౌట్ చేస్తే బరువు తగ్గుతారా..
హెర్బల్ టీ..
హెర్బల్ టీలు కూడా గొప్ప టానిక్స్‌లా పనిచేస్తాయి. జీర్ణ సమస్యల్ని దూరం చేసి మలబద్దకం రాకుండా కాపాడతాయి. వీటితో పాటు పెరుగు తీసుకోవడం వల్ల ఉబ్బరం తగ్గుతుంది. ఓట్స్, దాలియా, ఖిచ్డి ఇవన్నీ ఫైబర్ రిచ్ ఫుడ్స్. వీటిని తీసుకున్నా సమస్య తగ్గకపోతే డాక్టర్‌ని కలిసి సలహా తీసుకోవడం మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
- Read More : Relationship News and Telugu News