చేతులపై మెహందీ త్వరగా పోవాలంటే ఇలా చేయండి..

టూత్ ‌పేస్ట్‌లోనూ అద్భుత గుణాలు ఉంటాయి. దీనిని వాడడం వల్ల చాలా వరకూ మరకలు పోతాయి. పేస్ట్‌లో మెహందీ రంగును తొలగించే లక్షణాలు ఉన్నాయి. కాబట్టి మెహందీని పోగొట్టుకునేందుకు పేస్ట్‌ని తీసుకుని మెహందిపై పొరలా అప్లై చేయాలి. ఆరిన తర్వాత నీటితో కడిగేయండి. ఇలా చేస్తే ఆ మరకలు పోతాయి. కాబట్టిని పేస్ట్‌ని కూడా అప్లై చేసి మరకలను పోగొట్టుకోవచ్చు.

యాంటీ బ్యాక్టీరియల్ సోప్స్‌లోనూ మెహందీని పోగొట్టే లక్షణాలు ఉన్నాయి. వీటని చేతులకి రాసి 8 నుంచి 10 నిమిషాలు అయిన తర్వాత చేతులను కడిగేయాలి. ఇలా చేయడం వల్ల త్వరగా మెహందీ మరకలు పోతాయి. సోప్స్ బదులు లోషన్స్ కూడా బాగానే పనిచేస్తాయి. కాబట్టి మెహందీ మరకలను పోగొట్టుకునేందుకు వాటిని కూడా వాడొచ్చు.

ఉప్పు కూడా మంచి క్లెన్సింగ్ ఏజెంట్‌లా పనిచేస్తుంది. దీనిని వాడడం వల్ల చాలా వరకూ మెహందీ మరకలు పోతాయి. ఇందు కోసం ఏం చేయాలంటే.. ఒక బౌల్‌లో కొద్దిగా నీరు తీసుకుని అందులో ఉప్పు వేసి బాగా కలపాలి. ఆ నీటిలో చేతులు మునిగేలా ఉంచండి. 20 నిమిషాల తర్వాత బయటకి తీయండి. ఇలా చేయడం వల్ల త్వరగా మెహందీ పోతుంది. కాళ్లకి ఉన్న మరకలు కూడా ఇలా చేయడం వల్ల పోతాయి. దీనికోసం ఓ టబ్‌లో ఉప్పునీటిని పోసి అందులో కాళ్లను పెట్టి ఆ తర్వాత రాయండి. ఇలా చేయడం వల్ల త్వరగా మెహందీ మరకలు పోతాయి.

వంట సోడాలోనూ బ్లీచింగ్ గుణాలు ఉంటాయి. వంట సోడాను వాడడం వల్ల మెహందీ మరకలు ఈజీగా పోతాయి. అందుకోసం వంటసోడాలో నిమ్మరసం కలిపి మెహందీపై రాయాలి. ఇది ఆరిన తర్వాత నీటితో కడిగేయాలి. ఇలా రాయడం వల్ల చాలా వరకూ ఉపయోగం ఉంటుంది.

నిమ్మలో ఎక్కువగా బ్లీచింగ్ గుణాలు ఉంటాయి. దీనిని వాడడం వల్ల ఎలాంటి మరకలు అయినా పోతాయి. కాబట్టి దీనిని ఉపయోగించి మెహందీ మరకలను ఈజీగా పోగొట్టుకోవచ్చు. ఇందుకోసం.. నిమ్మ చెక్కని తీసుకుని చేతులు, మెహందీ ఎక్కడ ఉందో ఓ చోట్ల రాసి బాగా రుద్దాలి. ఆ తర్వాత వేడి నీటితో కడగాలి. ఇలా చేయడం వల్ల త్వరగా మెహందీ మరకలు పోతాయి.

ఇలా గోరింటాకు మరకలు పోగొట్టుకోవడానికి చిట్కాలు వాడిన తర్వాత చేతులకు మాయిశ్చరైజింగ్ రాయాలి. ఇలా చేయడం వల్ల చేతులు పొడిబారకుండా ఉంటాయి. ఈ చిట్కాలు పాటించడం వల్ల చాలా వరకూ మెహందీ మరకలు పోతాయి.