సమ్మర్‌ డ్రింక్స్‌
పుచ్చకాయ స్లష్
పుచ్చకాయలో 95 శాతం నీరు ఉంటుంది. దీనిలో విటమిన్‌ సీ, బీటాకెరటిన్‌ మెండుగా ఉంటాయి. వేసవిలో పుచ్చకాయ తరచుగా తింటే.. ఉక్కపోత, వడదెబ్బ నుంచి రక్షిస్తుంది. చెమట రూపంలో కోల్పోయిన నీరు తిరిగి వస్తుంది. విటమిన్‌ సీ, బీటాకెరటిన్‌ దండిగా ఉంటాయి. రోగనిరోధక శక్తిని మెరుగుపరుస్తుంది. మూత్రం సరిగా రానపుడు, మూత్రం మంటగా అనిపించినపుడు పుచ్చకాయ తీసుకుంటే ఉపశమనం లభిస్తుంది. ఇందులో పుష్కలంగా ఉండే పొటాషియం గుండెను కాపాడుతుంది.
ఇలా తయారు చేసుకోండి..
పుచ్చకాయ స్లష్ తయారు చేసుకోవడానికి.. పుచ్చకాయను బ్లెండర్‌లో వేసుకని జ్యూస్‌ చేసుకోండి. దీనిలో పుదీనా ఆకులు, నిమ్మరసం, నల్ల ఉప్పు వేసుకుని ఎంజాయ్‌ చేయండి.
పుచ్చకాయ తింటే బీపీ కంట్రోల్‌లో ఉండటమే కాదు.. రక్తప్రసరణ మెరుగుపడుతుంది..!
కూల్‌.. కూల్‌గా.. కొకోనట్‌ జ్యూస్‌ తాగేద్దామా
లస్సీ..
ఎర్రటి ఎండల్లో తియ్యని, చల్లని లస్సీ తాగితే మనస్సుకు, శరీరానికి ఎంతో హాయిగా ఉంటుంది. ఇది తాగితే శరీరం చల్లబడటమే కాదు, జీర్ణశక్తి మెరుగుపడుతుంది. దీన్నిలోని ప్రొబయోటిక్స్‌ ఉబ్బరాన్ని తగ్గిస్తాయి.
ఇలా తయారు చేసుకోండి..
పెరుగుకు సమానంగా నీళ్లు తీసుకోవాలి. పెరుగులో నీళ్లు పోసి బ్లెండ్‌ చేసుకోవాలి. దీనిలో పుదీనా ఆకులు, నల్ల ఉప్పు, వేయించిన జీలకర్ర పొడి వేసుకుని ఎంజాయ్‌ చేయండి.
నిమ్మరసం, సబ్జా నీళ్లు..
వేసవిలో నిమ్మరసం, సబ్జా నీళ్లు తాగితే.. శరీరంలోని pH స్థాయిని నియంత్రించవచ్చు. ఇది మీ శరీరాన్ని హైడ్రేట్‌ చేస్తుంది. నిమ్మరసంలోని విటమిన్‌ సి రోగనిరోధకశక్తిని మెరుగుపరుస్తుంది. వేడి, దాహం, నీరసం, నిస్సత్తువ వంటి సమస్యలను సబ్జా దూరం చేస్తుంది. ఈ గింజల్లో ఉండే ఔషధగుణాలు డీటాక్సిఫికేషన్‌ నుంచి కాపాడుతాయి. వాహనాలు, గాలి, నీటి కాలుష్యం వల్ల చర్మం నల్లగా మారిపోతుంది. సబ్జా తీసుకోవడం వల్లన ఈ సమస్యను అధిగమించవచ్చు. శరీరంలో ఉండే రోగనిరోధక శక్తిని పెంచుతుంది. ప్రొటీన్లు, కార్బొహైడ్రేట్స్‌, కొవ్వు పదార్థాలు పుష్కలంగా లభిస్తాయి.
ఇలా తయారు చేసుకోండి..
ఒక టీస్పూన్‌ సబ్జా గింజలను 1 గ్లాస్‌ నీటిలో రాత్రంతా నానబెట్టండి. ఆ మరుసటి రోజు నిమ్మరసం, నల్ల ఉప్పు కలిపి ఆ నీళ్లు తాగండి.
మామిడి పండు తిన్న తర్వాత.. పొరపాటున కూడా ఇవి తినొద్దు..!
కొబ్బరి నీళ్లు..
కొబ్బరి నీళ్లు సమ్మర్‌ బెస్ట్‌ రిఫ్రెష్‌మెంట్‌ డ్రింక్‌. ఇది శరీరంలో ఎలక్ట్రోలైట్‌లను సమతుల్యం చేస్తుంది. డీహైడ్రేషన్‌ సమస్యను దూరం చేస్తుంది. కొబ్బరి నీళ్లు హైపర్‌టెన్షన్‌ను తగ్గిస్తాయి. ఈ పానీయం గుండె ఆరోగ్యానికి మేలు చేస్తుంది.
కొబ్బరి నీళ్లు తాగితే ఎండ వేడే కాదు.. ఈ అనారోగ్యాలూ దూరం అవుతాయి..!
గుల్‌కంద్..
గుల్‌కంద్ రోజుకో స్పూన్‌ తీసుకుంటే.. వేసవిలో ఎక్కువగా ఎదురయ్యే అలసట, నొప్పులు, కడుపు మంట లాంటి సమస్యలను అధిగమించవచ్చు. సన్ స్ట్రోక్ బారిన ప‌డ‌కుండా ఉంటారు. నీరసం, అలసట, త‌ల‌నొప్పి, క‌ళ్లు తిర‌గ‌డం, అధిక ఒత్తిడి వంటి సమస్యలు దూరం అవుతాయి.
ఇలా తయారు చేసుకోవాలి..
ఒక గ్లాస్‌ జార్ తీసుకుని.. జార్ అడుగున కొన్ని గలాబీ పూల రేకుల్ని ఉంచాలి. దానిపై చక్కెర లేదా పటికబెల్లం వేయాలి. ఆపై గులాబీ రేకలు-పటికబెల్లం.. ఇలా జార్ మొత్తాన్ని లేయర్లుగా నింపాలి. ఈ జార్‌ను సూర్యరశ్మి తగిలే చోట పది రోజుల పాటు ఉంచితే రుచికరమైన గుల్‌కంద్ తయారవుతుంది. మీరు దీనిలో బెల్లం కూడా వేయవచ్చు. ఈ గుల్‌కంద్‌ను ఒక స్పూన్‌ తీసుకుని గ్లాస్‌ నీళ్లలో కలుపుకుని తాగితే మంచిది.
షుగర్‌ పేషెంట్స్‌ ఈ పండ్లు తింటే.. ఔషధంతో సమానం..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.