how to get rid of cockroaches: ఈ టిప్స్‌ ఫాలో ఐతే.. బొద్దింకలు ఇంటి నుంచి పారిపోతాయ్‌..!

Authored byరాజీవ్ శరణ్య | Samayam Telugu 20 Jan 2023, 2:30 pm

how to get rid of cockroaches: బొద్దింకలు.. వీటని చూస్తేనే కొందరికి శరీరంపై తేళ్లు, జెర్లు పాకినట్లు అవుతుంది. ఉదయం పూట ఎక్కుడ దాక్కుంటాయో గానీ, రాత్రి పూట వంట గది, బెడ్ రూమ్, బాత్రూమ్ అన్ని గదులనూ కబ్జా చేసేస్తాయి. మనకు ఒకటి కనిపించిందంటే..దాని గుంపు లోపల దాక్కున్నట్టే లెక్క. బొద్దింకలు, ఇంట్లో తిరుగుతూ ఖాళీగా ఉండవు.. ఇవి బ్యాక్టీరియాలను వ్యాప్తి చేస్తాయి. వంట పాత్రలలో, కూరగాయలు, పండ్లపై తిరుగుతూ.. ఇ-కోలి, సాల్మొనెల్లా వంటి బ్యాక్టీరియాలను స్ప్రెడ్ చేస్తాయి. బొద్దింకల బెడదను వదిలించుకోకపోతే.. అనారోగ్యాల పాలయ్యే ప్రమాదం ఉంది. ఇంటిని జాగ్రత్తగా శుభ్రం చేసుకున్నాగానీ.. బొద్దింకలు ఏదో మూల కనిపిస్తూనే ఉంటాయి. వీటిని సింపుల్, ఎఫెక్టివ్ టిప్స్తో ఇంటి నుంచి తరిమేయవచ్చు. అవేంటో తెలుసుకోవాలంటే.. ఈ స్టోరీ చదివేయండి.

simple and effective tips to get rid of cockroaches — how to get rid of cockroaches: ఈ టిప్స్‌ ఫాలో ఐతే.. బొద్దింకలు ఇంటి నుంచి పారిపోతాయ్‌..!

కెరోసిన్‌..

కెరోసిన్ బొద్దింకలకు చెక్ పెట్టడానికి సహాయపడుతుంది. బొద్దింకలకు.. కెరోసిన్ వాసన పడదు. మీరు బొద్దింకలను ఇంటి నుంచి తరిమికొట్టడానికి.. నీళ్లలో కెరోసిన్ మిక్స్ చేసి.. ఇంటి మూలల్లో, బొద్దికలు ఎక్కువగా తిరుగుతున్న చొట్లు, సింక్ పైప్ వద్ద స్ప్రే చేయండి. ఇలా చేస్తే.. బొద్దింకలు పారిపోతాయి. (image source - pixabay)

హెయిర్‌ స్ప్రే..

బొద్దింకలు ఎక్కువగా కనిపిస్తున్న చోట్ల.. హెయిర్ స్ప్రేను కొట్టండి. ఇలా చేస్తే.. బొద్దింకలు చనిపోవడమే కాదు. చాలా రోజుల వరకు ఆ ఏరియాలోకి రావు. (image source - pixabay)

లవంగాలు..

లవంగాలు.. బొద్దింకలను తరిమికొట్టడానికి సహాయపడతాయి. ఇంటి మూలల్లో, తడిపొడి ప్రాంతాల్లో, అల్మారాలు, ర్యాక్స్, బొద్దింకలు ఎక్కువగా తిరిగే ప్రదేశాల్లో.. లవంగాలను చిన్న పొట్లాల్లో వేసి ఉంచండి. ఇలా చేస్తే ఆ ప్రాంతాలకు బొద్దింకలు రావు. (image source - pixabay)

బిర్యానీ ఆకు..

బిర్యానీ ఆకులను పొడిచేసి.. పొయ్యి గట్టు కింద, అల్మరాలు, రోజువారీ శుభ్రం చేయని ప్రదేశాల్లో దాన్ని చల్లండి. ఈ వాసనకు బొద్దింకలు పారిపోతాయి.(image source - pixabay)

దాల్చిన చెక్క..

దాల్చినచెక్కకు ఘాటైన వాసన ఉంటుంది. బొద్దింకలకు.. అలెర్జిక్ రియాక్షన్ ఇస్తుంది. దాల్చిన చెక్క పొడిని.. ఉప్పులో కలిపి.. బొద్దింకలు తిరిగే ప్రదేశాలలో చల్లండి. ఇది బొద్దింకలు, వాటి గుడ్లను కూడా నాశనం చేస్తుంది. (image source - pixabay)

వేపాకులు..

వేపాకులు ఇంటి నుంచి బొద్దింకలు, ఇతర క్రిములను నిర్మూలించడానికి ప్రభావంతంగా పనిచేస్తుంది. బొద్దింకలు ఎక్కువగా తిరిగే ప్రాంతంలో వేపాకులు ఉంచండి. రోజూ ఈ ఆకులను మారుస్తూ ఉండండి. మూడు రోజుల్లో మీరు రిజల్ట్స్ను చూడొచ్చు. బొద్దింకల గుడ్లను చంపడానికి.. వేపనూనెలో కొంచెం వేడి నీళ్లు వేసి స్ప్రే చేయండి. (image source - pixabay)

స్టికీ టేప్‌ పెట్డండి..

బొద్దింకలు ఎక్కువగా తిరిగే చోట స్టికీ టేప్ పెట్డండి. దాని వాసనకు ఎట్రాక్ట్ అయి వచ్చి అతుక్కుంటాయి. ఇలా కొన్ని రోజుల పాటు డైలీ చేస్తే.. బొద్దింకల సమస్య పరిష్కారం అవుతుంది. (image source - pixabay)

కీరాదోసతో..

దోసకాయ ముక్కలను బాగా ఎండబెట్టాలి. ఎండిన ముక్కలను కబోర్డులో, అల్మరాల్లో ఉంచితే బొద్దింక బెడద నుంచి తప్పించుకోవచ్చు. కీరాదోస వాసన బొద్దింకలకు పడదు. తాజాగా ఉండే దోసకాయ తొక్క తీసి బొద్దింకలు తిరిగే ప్రదేశంలో ఉంచితే ఆ వాసనకు రాకుండా ఉంటాయి. (image source - pixabay)

బేకింగ్‌ సోడా..

బొద్దింకలను వదిలించుకోవడానికి బేకింగ్ సోడా కూడా సహాయపడుతుంది. బేకింగ్ సోడాలో పంచదార మిక్స్ చేసి మిశ్రమంలా చేసుకోవాలి. ఆ తర్వాత బొద్దింక ఉన్న ప్రదేశంలో చల్లాలి.

బోరిక్ యాసిడ్‌..

ఇంట్లో బొద్దింకలు తిరిగే ప్రదేశాల్లో బోరిక్ పౌడర్ను చల్లాలి. దీని వల్ల కూడా బొద్దింకలు రాకుండా చూసుకోవచ్చు. (image source - pixabay)

ఈ జాగ్రత్తలు పాటించండి..

⦁బొద్దింకలు తరచుగా వాడని, తేమ ఎక్కువగా ఉండే ప్రదేశాల్లో తిష్ట వేస్తుంటాయి. కాబట్టి, కప్బోర్డులను నెలకోసారైనా శుభ్రం చేస్తుండండి.
⦁ఇవి సింకుల కింద ఎక్కువగా తిరుగుతూ ఉంటాయి. సింకుల కిందా శుభ్రం చేస్తూ ఉండాలి. (Image credit - pixabay)