వెనిగర్‌..
వైట్‌ వెనిగర్‌ బట్టలకు అంటిన చూయింగ్ గమ్‌ను వదిలించడానికి చాలా బాగా పని చేస్తుంది. ఒక గిన్నెలో వెనిగర్‌ని తీసుకొని దాన్ని వేడి చేయండి. చూయింగ్ గమ్ అంటిన చోటును.. వెనిగర్‌ ముంచాలి. దాన్ని రెండు నిమిషాలు నానబెట్టండి. ఆ తర్వాత క్లాత్‌ బ్రష్‌/ టూత్‌బ్రష్‌ సాయంతో దాన్ని రబ్‌ చేస్తే.. గమ్ వదులుతుంది.
ఫ్రిజ్‌లో పెట్టండి..
చూయింగ్ గమ్ అంటిన క్లాత్‌ను.. జిప్‌లాక్‌ బ్యాగ్‌లో పెట్టి ప్రీజర్‌లో పెట్టండి. దాన్ని సుమారు రెండు గంటల పాటు అలా ఉంచేయండి. చూయింగ్ గమ్ ఫ్రిజ్‌లో పెట్టడం వల్ల.. గట్టిగా మారుతుంది. రెండు గంటల తర్వాత బయటకు తీసీ.. చేత్తో ఈజీగా చూయింగ్ గమ్‌ను రిమూవ్‌ చేయవచ్చు.
వేడినీళ్లతో వదిలించండి..
వేడినీళ్లతో బట్టలకు అంటుకున్న చూయింగ్ గమ్‌ను వదిలించవచ్చు. వేడి నీటిలో చూయింగ్ గమ్ అంటుకున్న క్లాత్‌ను కొంతసేపు నానబెట్టండి. ఆ తర్వాత బ్రష్‌తో రుద్దండి. ఇలా చేస్తే.. చూయింగ్ గమ్ ఈజీగా వదులుతుంది.
ఐరన్ చేయండి..
వస్త్రానికి అంటిన చూయింగ్ గమ్ వదిలించడానికి.. ఐరనింగ్ బోర్డుపై కార్డుబోర్డునుంచాలి. దీనిపై గమ్ అంటుకున్న భాగం కిందికి వచ్చేలా క్లాత్‌ పరచాలి. గమ్ అంటుకున్న భాగంపై మరో వస్త్రం వేసి ఐరన్ చేయాలి. దీంతో చూయింగ్ గమ్ కరిగిపోయి కార్డుబోర్డుకు అతుక్కుంటుంది.
హెయిర్ స్ప్రే..
హెయిర్ స్ప్రే బట్టలకు అంటిన చూయింగ్ గమ్‌ను వదిలించడానికి సహాయపడుతుంది. గమ్ అంటుకున్న చోట.. హెయిర్ స్ర్పే చేయాలి. దీంతో గమ్ చల్లబడి.. గట్టిపడుతుంది. మనం చేతితో గమ్ తొలగించవచ్చు.