Biting Nails: గోళ్లు కొరుకుతున్నారా..? ఈ టిప్స్‌తో అలవాటు మానుకోండి
Biting Nails: కొంతమంది ఏదైనా ఆలోచనలో ఉన్నా, ఖాళీగా ఉన్నా, టెన్షన్‌గా ఉన్నా.. వాళ్లకే తెలియకుండా గోళ్లు నోటి దగ్గరకు వెళ్లిపోతాయి. మనం గోళ్లు కొరుకుతూ ఉంటుంటే.. ఎదుటివారు కూడా.. ఇబ్బందిగా ఫీల్‌ అవుతారు. ఈ అలవాటు కారణంగా ఆరోగ్య సమస్యలు వచ్చే ప్రమాదం ఉందని నిపుణులు చెబుతున్నారు. గోళ్లు కొరికే అలవాటును మానుకోవాలని నిపుణులు సూచిస్తున్నారు. చిన్న చిట్కాలతో గోళ్లు కొరికే అలవాటును మానుకోవచ్చు.
Biting Nails: చాలా మందికి గోళ్లు కొరికే అలవాటు ఉంటుంది. ఏదైనా ఆలోచనలో ఉన్నా, ఖాళీగా ఉన్నా, టెన్షన్‌గా ఉన్నా.. వాళ్లకే తెలియకుండా గోళ్లు నోటి దగ్గరకు వెళ్లిపోతాయి. సాధారణంగా ఈ అలవాటు చిన్నప్పటి నుంచీ మొదలై.. పెద్దయ్యే దాకా కంటిన్యూ అవుతూ ఉంటుంది. టెన్షన్‌, ఒత్తిడి పెరగడం వల్ల కూడా గోళ్లు కొరికే అలవాటు వచ్చే అవకాశం ఉంది. అలానే ADHD, సెపరేషన్ యాంగ్జయిటీ, టూరేట్స్ సిండ్రోమ్, డిప్రెషన్ ఉన్నవాళ్లు కూడా గోళ్లు కొరికుతుంటానిరని నిపుణులు చెబుతున్నారు. గొళ్లు కొరకడం చాలా చెడ్డ అలవాటు. మనం గోళ్లు కొరుకుతూ ఉంటుంటే.. ఎదుటివారు కూడా.. ఇబ్బందిగా ఫీల్‌ అవుతారు. ఈ అలవాటు కారణంగా ఆరోగ్య సమస్యలు వచ్చే ప్రమాదం ఉందని నిపుణులు చెబుతున్నారు. గోళ్లలో సార్మేనేలా, క్లేబ్సిల్లా అనే హానికరమైన బ్యాక్టీరియా ఉంటుంది. గోళ్లు కొరికితే.. ఈ బ్యాక్టీరియా నోటి నుంటి శరీరంలోకి వెళ్లి ఫుడ్ పాయిజన్‌కు కారణమతుందని వైద్య నిపుణులు చెబుతున్నారు. ఆరోగ్యకరమైన వ్యక్తికి ఉండే గోళ్లతో పోల్చితే.. ఆ అలవాటు ఉండే వ్యక్తులు ఎక్కువగా ఫంగల్ ఇన్ఫెక్షన్లకు గురవ్వుతారు. చేతి వేళ్లను నోట్లో పెట్టుకోవడం, కొరకడం వంటి అలవాట్ల వల్ల కడుపు, పేగు ఇన్ఫెక్షన్లు వచ్చే ప్రమాదం ఉంది. గోళ్లు కొరికే అలవాటును మానుకోవాలని నిపుణులు సూచిస్తున్నారు. చిన్న చిట్కాలతో గోళ్లు కొరికే అలవాటును మానుకోవచ్చు.
- మీరు ఎప్పుడు గోళ్లు కొరుకుతున్నారా అనే విషయాన్ని గమనించండి. ఆ సమయంలో.. గోళ్ల మీద మీ దృష్టిని వేరే వాటిపై పెట్టండి. మీరు గోళ్లు కొరకకూడదు అనే దృఢనిశ్చయంతో ఉండండి.
- గోళ్లు ఎక్కువగా ఉంటేనే అవి కొరుకుతారు. అందుకే చేతి వేలి గోర్లను చిన్నగా కత్తిరించుకోండి. దీంతో చేతికి గోళ్లు ఉండవు కాబట్టి కొరకకుండా ఉంటారు.
- స్ట్రెస్ ఎక్కవగా ఉంటే.. కొంతమంది గోళ్లు కొరుకుతూ ఉంటారు. స్ట్రెస్ బాల్ వాడుతూ ఈ అలవాటు నుంచి బయట పడవచ్చు.
- గోళ్లకు.. డార్క్‌ కలర్‌ నెయిల్‌పాలిష్‌ వేసుకోండి. నెయిల్‌పాలిష్‌ ఘాటు వాసన వచ్చేది, చేదు టేస్ట్‌ ఉండేది సెలెక్ట్‌ చేసుకోండి. దీంతో మీరు గోళ్లను నోట్లో పెట్టుకోరు.
- క్యాల్షియం లోపం కారణంగానూ గోళ్లు కొరకడం అలవాటవుతుంది. ఈ సమయంలో కాల్షియం అధికంగా ఉండే పాల ఉత్పత్తులను ఎక్కువగా తీసుకోవాలి.
- ఒత్తిడి తగ్గించుకునేందుకు యోగా, ధాన్యం వంటి వాటిని ప్రయత్నించండి. ఇలా చేయటం వల్ల గోళ్లు కొరికే అలవాటు నుండి సులభంగా బయటపడవచ్చు.
- ఈ అలవాటు మరీ ఎక్కువగా ఉంటే.. చేతులకు గ్లౌజులు ధరించి పని చేసుకోండి. దీంతో చేతివేళ్లను నోట్లో పెట్టుకునేందుకు వీలు ఉండదు. ఇలా తరచూ చేస్తూ ఉండండి. క్రమంగా గోళ్లు కొరకడం మానేస్తారు.
- మెనీక్యూర్‌ చేయించుకోండి.
- ఎప్పుడూ ఏదో ఒక పని పెట్టుకోండి. దీని వల్ల మీ ధ్యాస మళ్లుతుంది. మీరు గోళ్లు కొరకకుండా ఉంటారు.
- గోళ్లకు వెనిగర్‌ రాసినా.. కొరకకుండా ఉంటారు.