Cleaning tips: ఈ టిప్స్‌తో.. దుస్తులపై టీ, కాఫీ మరకలు చిటికెలో పోతాయ్‌..

ఉదయం లేవగానే.. టీ, కాఫీ తాగడం చాలా మందికి అలవాటు ఉంటుంది. కొంతమంది రోజులో మూడూ నాలుగు సార్లు తాగుతూ ఉంటారు. టీ, కాఫీ తాగితే.. పని ఒత్తిడి తగ్గి మైండ్ ఫ్రెష్‌గా అవుతుందని అందరూ ఫీల్‌ అవుతారు. కొన్ని సార్లు టీ, కాఫీ పొరపాటను బట్టలపై పడుతుంటాయి. ఈ మరకలు ఈజీగా వదలవు. వీటిని వదిలించడానికి ఎన్ని సార్లు సబ్బుతో ఉతికినా వదలవు. చిన్న టిప్స్‌ ఫాలో అయితే.. టీ, కాఫీ మరకలు వదిలించడం చాలా ఈజీ. ఆ టిప్స్‌ ఏమిటో తెలుసుకోవాలంటే ఈ స్టోరీ చదివేయండి.

టూత్‌ పేస్ట్‌..

టీ, కాఫీ మరకలను టూత్‌ పేస్ట్‌ ఈజీగా వదిలిస్తుంది. మరకపడిన చోట.. టూత్‌పేస్ట్ పూసి ఇరవై నిమిషాలు ఇంచాలి. ఆ తర్వాత నీటితో ఆ బట్టలను ఉతికేస్తే సరి. టీ, కాఫీ మరక ఈజీగా వదులుతుంది.
వేడి నీళ్ళతో..
కాటన్‌ బట్టలపై టీ, కాఫీ మరకలు పడితే.. వదిలించడం చాలా కష్టం. ఈ మరకను ఈజీగా వదిలించడానికి ఆ ప్లేస్‌లో వేడి నీళ్లు పోయండి. నీళ్లు మరీ వేడిగా ఉండకుండా చూసికోండి. నీళ్లు మరీ వేడిగా ఉంటే బట్టలు దెబ్బతింటాయి.
గుడ్డు సొన..

కాఫీ, టీ మరకలను తొలగించటానికి గుడ్డు పచ్చసొన బాగా ఉపయోగపడుతుంది. గుడ్డు పచ్చసొనను బాగా గిలకొట్టి కాఫీ మరక పడిన ప్రదేశంలో వేసి రుద్దాలి. తర్వాత సబ్బుతో వస్త్రాన్ని ఉతికితే సరిపోతుంది.
బేకింగ్‌ సోడా..
బట్టలపై పడిన టీ, కాఫీ మరకల్ని తొలగించేందుకు.. బేకింగ్‌ సోడా సమర్థవంతంగా పనిచేస్తుంది. బేకింగ్ సోడాలో గోరువెచ్చని నీటిని పోసి పేస్ట్ గా చేసుకోవాలి. మరక ఉన్న చోట.. చెంచా బేకింగ్‌ సోడా పేస్ట్‌ చేసి రుద్దాలి. ఓ 20 నిమిషాలు అలానే ఉంచాలి. ఆ తర్వాత దుస్తుల్ని శుభ్రం చేస్తే చాలు.
వెనిగర్‌..

టీ, కాఫీ మరకలు వదిలించడానికి వెనిగర్ సమర్థవంతంగా పని చేస్తుంది. మరక పడిన చోట వెనిగర్‌ వేసి రుద్దాలి. ఆ త్రర్వాత దుస్తులు ఉతికితే సరిపోతుంది.
కొన్ని కప్పుల నీటిలో చెంచా వెనిగర్ వేసి బాగా కలుపుకోవాలి. ఈ మిశ్రమాన్ని స్ప్రే బాటిల్‌లో పోసి మరక పడిన చోట స్ప్రే చేయాలి. ఆ తర్వాత నెమ్మదిగా రుద్దాలి. ఇలా చేస్తే మరక తొలగిపోతుంది.
లిక్విడ్‌ డిటర్జెంట్‌..

లిక్విడ్‌ డిటర్జెంట్‌ లేదా స్టైయిన్‌ రిమూవర్‌ మరకపడిన చోట వేసి రుద్దాలి. దానిని 20 నిమిషాల పాటు అలానే ఉంచాలి. ఆ తర్వాత ఉతికితే.. మరక పోతుంది.
నిమ్మరసం..
టీ, కాఫీ మరకలు పోవాలంటే.. నిమ్మరసాన్ని ఉపయోగించవచ్చు. మరకపడిన చోట నిమ్మరసం వేసి రుద్దాలి. ఆ తర్వాత సబ్బుతో దుస్తులు ఉతకాలి. ఇలా చేస్తే బట్టలపై ఉన్న టీ, కాఫీ మరకలు వదులుతాయి.