వంటింట్లోనే ఔషధాలు..
భారతీయ వంటిళ్లలో ఉండే రకరకాల సుగంధ ద్రవ్యాలు మన వంటకాలకి అద్భుతమైన రుచిని, సువాసనని అందిస్తాయి. ఈ సుగంధ ద్రవాలలో కొన్నింటిని రోజువారీ వంటకాలలో వడుతుండగా, కొన్ని మాత్రం అప్పుడప్పుడూ చేసే వంటలకే వాడతారు. యాలకులని ఎక్కువగా స్వీట్స్, బిర్యానీ లాంటి వంటల్లో వాడతారు. ఏలకులు వేసిన ఏ పదార్ధమైనా బ్రహ్మాండమైన రుచి, పరిమళం కలిగి ఉంటుంది. కొంతమంది భోజనం తరువాత యాలకులని తింటారు. ఇక వీటితో చేసిన టీ స్పెషల్ రుచితోపాటూ, ఎన్నో ఆరోగ్య ప్రయోజనాలను కూడా అందిస్తుంది.
టీతో షుగర్ కంట్రోల్..
చాలామందికి వాళ్ళ టీ లో యాలకులు వేసుకోడం అలవాటే. ప్రాచీన ఆయుర్వేదంలో కూడా దీన్ని వాడేవారని తెలుస్తోంది. దీనిలో ఉండే యాంటీ బయాటిక్, యాంటీ ఆక్సిడెంట్ గుణాల వల్ల ఇది జలుబు, దగ్గు లాంటి చిన్న చిన్న అనారోగ్యాలని తగ్గిస్తుంది. ఏలకులు డిప్రెషన్ని, రక్తపోటుని తగ్గించడంతో పాటూ, బరువు తగ్గడానికి కూడా ఉపయోగపడతాయి. కానీ, యాలకుల వల్ల మధుమేహాన్ని నియంత్రించవచ్చు అన్నది మాత్రం అందిరికీ తెలియకపోవచ్చు. చాలా పరిశోధనలు యాలకుల వాడకానికీ మధుమేహ నియంత్రణకీ సంబంధముందని నిరూపించాయి.
Also Read : బ్రేక్ ఫాస్ట్ మానేస్తే బరువు తగ్గుతారా..
యాలకులు, పాలతో టీ..
ఒక కప్పు టీ కోసం రెండు యాలక్కాయల్ని దంచి మరుగుతున్న నీటిలో వెయ్యండి. అందులో, టీ పౌడర్, పాలు మీరు మామూలుగా వేసేటట్లే వేయండి. మీరు కొద్దిగా దంచిన అల్లం కూడా యాలకులతో పాటూ మరుగుతున్న నీటిలో వేస్తే, అది మీ టీ రుచిని, ఆరోగ్యప్రయోజనాలని పెంచుతుంది. మీరు కావాలంటే తేనె లాంటిదేదైనా కలుపుకోవచ్చు. అయితే ఈ విషయంలో ఓసారి మీ వైద్యునితో సంప్రదించడం మంచిది.
యాలకులు-మిరియాల టీ
ఒక కప్పు టీ కోసం రెండు యాలకులు, రెండు లవంగాలూ, రెండు మిరియాలూ, అరంగుళం దాల్చిన చెక్కా, రెండు కప్పుల మరుగుతున్న నీటిలో వేయండి. ఒక అరగంట పాటూ ఈ మిశ్రమాన్ని చిన్న మంట మీద మరిగించండి. తరువాత దాన్ని వడ కట్టుకుని కావాల్సిన పాలు కలుపుకోండి.
Also Read : ఇంట్లోనే పెడిక్యూర్ చేసుకోండిలా..
బ్లాక్ టీ
రెండు యాలక్కాయల్ని దంచి తొక్కతో సహా వాటిని మరుగుతున్న నీటిలో వెయ్యండి. అందులో టీ ఆకులు వేసి మరిగించండి. వడకట్టి రుచి రుచి గా ఉండే ఈ బ్లాక్ టీని ఆస్వాదించండి. మీ టీ ని మీకిష్టమైన పద్ధతిలో తయారు చేసుకోండి కానీ కొంచెం యాలకులు కూడా యాడ్ చేయండి. మధుమేహ నివారణ కోసం మీరు తీసుకునే ఆహారంలో దీన్ని కూడా భాగం చేసుకోండి. ఎప్పుడైనా సరే ఆహారంలో మార్పులు చేసుకునే ముందు మీ వైద్యునితో సంప్రదించడం మంచిది.