Two Week Old Baby:పుట్టిన తర్వాత రెండోవారంలో.. మీ పిల్లల్లో ఈ మార్పులు కనిపిస్తాయ్‌..!

Two Week Old Baby:

Authored byరాజీవ్ శరణ్య | Samayam Telugu 6 Jan 2023, 4:03 pm

Two Week Old Baby: మీకు బిడ్డ పుట్టిన వారం.. కంప్లీట్ అయ్యి.. రెండో వారంలోకి అడుగుపెట్టేప్పటికి మీ పేరెంటింగ్పై కొంత నమ్మకం వస్తుంది, కొంత సెటిల్ అవుతారు. మీ బిడ్డకు పాలు ఇవ్వడం, వారి డైపర్లు మార్చడం, వాళ్లను క్లీన్ చేయడం మీ రొటీన్లో భాగం అయిపోతుంది. మీ పాపాయి స్వచ్ఛమైన ముఖం, చిన్నిచిన్ని కనురెప్పులు, బుడ్డిబుడ్డి చేతులు, అందమైన పెదాలు.. చూస్తూ ఉంటే మీ అలసట మొత్తం మాయం అవుతుంది. మీ చిన్నారి ఏడుపు తీరు, ఆకలి సిగ్నల్స్, నిద్రపోయే టైమింగ్స్ అన్నీ మీకు అర్థమవుతూ ఉంటాయి. అయినా కూడా రెండో వారంలో పిల్లలు ఎలా ప్రవర్తిస్తారు, ఎలా ఉంటారు, వారికి ఎలాంటి కేర్ తీసుకోవాలి అనే విషయాలపై మీకు ఇంకా సందేహాలు ఉంటూనే ఉంటాయి. అసలు ఈ రెండో వారంలో మీ పిల్లల గ్రోత్ ఎలా ఉంటుందో తెలుసుకోవాలంటే.. ఈ స్టోరీ చదివేయండి.

development and milestones for two week old baby know the major changes — Two Week Old Baby:పుట్టిన తర్వాత రెండోవారంలో.. మీ పిల్లల్లో ఈ మార్పులు కనిపిస్తాయ్‌..!

చిన్నారి ఎదుగుదల..

రెండో వారంలో పిల్లలు.. మన వాయిస్ను గుర్తుపడుతుంటారు. కాబట్టి, మీ బిడ్డతో తరచుగా మాట్లాడుతూ ఉండండి. దీని వల్ల మీ మధ్య బంధం బలపడుతుంది. ఈ సమయంలో రోజులో ఎక్కువ భాగం దాదాపు 16 - 20 గంటలు నిద్రపోతూ ఉంటారు. రెండవ వారంలో శిశువు తన అసౌకర్యాన్ని వ్యక్తం చేయడానికి ఏడుస్తూ ఉంటుంది. ఈ దశలో పిల్లల కళ్లు దేనిమీద నిలవవు.. అటూ ఇటూ ఆశ్చర్యంగా చూస్తూ ఉంటారు. రెండో వారంలో బిడ్డ శరీరంలో ఎగువ భాగంలో కండరాలు కొంత అభివృద్ధి చెందుతాయి.

బిడ్డు పోషణ..

పుట్టిన తర్వాత మొదటి ఆరు నెలల వరకు బిడ్డకు తల్లి పాలు మాత్రమే ఆహారం. రెండో వారంలోకి అడుగుపెట్టిన తర్వాత.. మీ బిడ్డ కడుపు గోల్ఫ్ బాల్ పరిమాణంలో ఉంటుంది. దీనిలో 2 ఔన్సుల పాలు మాత్రమే సరిపోతాయి. ఆ 2 ఔన్సులు ఎక్కువ కాలం ఉండవు, అందుకే మీ బిడ్డ ఆకలి తెలుసుకుని.. పాలిస్తే మంచిది. ఇది రొమ్ములో పాల ఉత్పత్తిని ప్రేరేపిస్తుంది. ; తల్లిపాలు తాగే పిల్లలకు రోజుకు 8 - 12సార్లు ఫీడింగ్ ఇవ్వాలి. ఫార్ములా మిల్క్ తాగేవారికి.. 6 - 8 ఫీడింగ్లు ఇవ్వాలి.

బొడ్డు..

రెండు వారాలో బిడ్డ.. బొడ్డు తాడు రాలిపోయే అవకాశం. ఒకవేళ అలా జరగకపోతే.. ఇంకొన్ని రోజుల్లో మాడిపోయి పడిపోతుంది. అప్పటి వరకు, ఆ ప్రాంతాన్ని ఇన్ఫెక్షన్ లేకుండా జాగ్రత్తగా చూసుకోండి. బిడ్డకు స్నానం చేయించేటప్పుడు జాగ్రత్తలు తీసుకోవాలి. నాభి ప్రాంతాన్ని సురక్షితంగా ఉంచండి.

పిల్లల అలవాట్లు..

పిల్లల ప్రవర్తన.. ఒకరికి, ఒకరికి సంబంధం ఉండదు. సాధారణంగా.. రెండోవారంలో పిల్లలు.. సాధరణ లైఫ్సైకిల్లోకి వస్తారు. వారిని అర్థం చేసుకోవడం కూడా తేలికే.

పిల్లల ఏడుపు..

చాలా మంది శిశువులు రోజుకు సగటున రెండు నుంచి మూడు గంటలు ఏడుస్తూ ఉంటారు. రాత్రి సమయంలో పిల్లలు ఏడిస్తే.. వాళ్లు ఆకలితో ఏడుస్తున్నారో, పక్క తడపడం వల్లో గమనించండి. మీ పిల్లలు మరీ ఎక్కువగా ఏడుస్తుంటే. డాక్టర్ను కలవడం మేలు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.