అపోహ: టీకా వేయిస్తే ఆటిజం వస్తుంది
వాస్తవం: వ్యాక్సిన్లు ఆటిజమ్‌కు కారణమవుతుందనే వాదనకు శాస్త్రీయ ఆధారాలు లేవు. వ్యాక్సిన్లు ఆటిజమ్‌కు దారితీస్తాయనే వాదన 1998లో ప్రచురితమైన అధ్యయనం ద్వారా ప్రచారం అయ్యింది. ప్రస్తుతం ఈ అధ్యయనంలో వాస్తవం లేదని నిపుణులు తేల్చి చెప్పారు. ఈ అంశంపై అనేక అధ్యయనాలు జరిగాయి, టీకా, ఆటిజంపై సంబంధం లేదని స్పష్టం చేశాయి. వ్యాక్సిన్స్‌ సురక్షితం, ఇవి ఆటిజంకు కారణం కావు.
పిల్లలకి వ్యాక్సిన్‌ ఇవ్వచ్చా?
అపోహ: వ్యాక్సిన్లు పిల్లల రోగనిరోధక వ్యవస్థను క్షిణింపజేస్తాయి.
చిన్నారుల రోగనిరోధక వ్యవస్థకు అనేక యాంటిజెన్‌ల దాడిని ఎదుర్కొనే శక్తి ఉంటుంది. ఈ వ్యాక్సిన్లు యాంటింజెన్‌ల నుంచి రక్షించడానికి రూపొందించారు. రోగనిరోధక వ్యవస్థ వ్యాక్సిన్‌ల కంటే రోజువారీ జీవితంలో చాలా ఎక్కువ యాంటిజెన్‌లతో పోరాడుతుంది. టీకాలు సురక్షితంగా, ప్రభావవంతంగా ఉండేలా రూపొందిస్తారు. ఇవి వ్యాధులను నుంచి పిల్లలను రక్షిస్తాయి.
Raisins For Kids: పిల్లలకు కిస్‌మిస్‌ పెడితే ఎన్ని ప్రయోజనాలో తెలుసా..?అపోహ: టీకాలు అవసరం లేదు, అవి రక్షించే వ్యాధులు చాలా అరుదుగా వస్తుంటాయి.
వాస్తవం: అనేక వ్యాధులు చాలా అరుదుగా రావడానికి కారణం వ్యాక్సినేషన్ విస్తృతం చేయడమే. మీజిల్స్, పోలియో, పెర్టుసిస్ వంటి అనేక తీవ్రమైన అనారోగ్యాలను నివారించడానికి టీకాలు ఎంతో విజయవంతమయ్యాయి. టీకాల పాత్ర చాలా కీలకం. క్షయ, కంఠసర్ఫి, కోరింతదగ్గు, ధనుర్వాతం, గవదబిళ్లలు, రుబెల్లా, న్యుమోనియా, కామెర్లు, పోలియో, విరేచనాలు.. ఇలా పిల్లలను ఉక్కిరిబిక్కిరి చేసే ఎన్నో రకాల జబ్బులకు టీకాలతో చెక్‌ పెట్టవచ్చు.
Also Read:
Vitamin D: పిల్లల్లో విటమిన్‌ D లోపం ఉంటే.. ఈ సమస్యలు వస్తాయ్‌..!
అపోహ : టీకా ప్రేరిత రోగనిరోధక శక్తి కంటే సహజ రోగనిరోధక శక్తి ఉత్తమమైనది.
వాస్తవం: ఒక వ్యాధికి శరీరం రోగనిరోధక శక్తిని పెంపొందించుకోవడానికి సహజ రోగనిరోధక శక్తి ఒక మార్గం అయితే, ఇది అస్తమానం సురక్షితమైన ఎంపిక కాదు. నిజానికి హానికారక సూక్ష్మక్రిముల నుంచి మన రోగనిరోధక వ్యవస్థ ఎప్పుడూ కాపాడుతూనే ఉంటుంది. అయితే కొన్నిసార్లు సూక్ష్మక్రిములు రోగనిరోధక వ్యవస్థను అధిగమించి తమ ప్రతాపాన్ని చూపొచ్చు. వీటి కారణంగా అనారోగ్యానికి గురికావచ్చు. టీకాలు మరి సూక్ష్మక్రిములను రోగనిరోధక వ్యవస్థ గుర్తించగలిగిలా చేస్తాయి. హానికారక సూక్ష్మక్రిములు ఏవి, వాటిని ఎదుర్కోవటం, నిర్మూలించటం ఎలా అనేవి రోగనిరోధక వ్యవస్థ గుర్తించటానికి వ్యాక్సిన్స్‌ తోడ్పడతాయి.
అపోహ: వ్యాక్సిన్స్‌లో హానికరమైన పదార్థాలు ఉంటాయి.
వాస్తవం: టీకాలు సమర్థవంతంగా, సురక్షితంగా పని చేయడానికి సహాయపడే ఇతర పదార్ధాలతో పాటుగా చిన్న మొత్తంలో యాంటిజెన్‌లు కూడా ఉంటాయి. కొందరు వ్యక్తులు వ్యాక్సిన్స్‌లో ఉండే మెర్కురీ, అల్యూమినియం వంటి పదార్ధాలను చూసి ఆందోళనకు గురవుతూ ఉంటారు. అయితే టీకాలలో ఈ మొత్తం చాలా తక్కువగా ఉంటుంది, ఇవి ఆరోగ్యానికి హాని కలిగించవు.
Also Read: Children Vaccination: పిల్లలకు వ్యాక్సిన్‌ వేయించేప్పుడు.. ఇవి కచ్చితంగా గుర్తుపెట్టుకోవాలి..!
అపోహ: టీకాల వల్ల సైడ్‌ ఎఫెక్స్‌ ఉంటాయి.
వాస్తవం: వ్యాక్సిన్‌ల కారణంగా కొన్ని తేలికపాటి దుష్ప్రభావాలు ఉంటాయి. టీకా ఇచ్చినపుడు కొందరికి నొప్పి, జ్వరం, జలుబు, ఒళ్లు నొప్పులు వంటి చిన్న ఇబ్బందులు ఉంటే ఉండొచ్చు. ఇవి తాత్కాలికం. వ్యాక్సిన్‌ వల్ల కలిగే ప్రయోజనాలతో పోలిస్తే ఇవి లెక్కలోకే రావు. అందువల్ల వీటిని పెద్దగా పట్టించుకోవద్దు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.