ప్రెగ్నెన్సీ చుట్టూ అపోహలు..
ప్రెగ్నెన్సీ చుట్టూ ఎన్నో అపోహలు ఉంటాయి. దీంతో గర్భం కావాలనుకునేవారు, అప్పుడే వద్దనుకునేవారు ఎలాంటి విషయాన్ని నమ్మాలో తెలియక సతమతమవుతుంటారు. ఎప్పుడు శృంగారం చేయాలి. శృంగారం చేశాక ఏ పని చేయాలి.. ఏ పని చేయకూడదు వంటి ఎన్నో విషయాలతో ఫుల్ కన్‌ఫ్యూజ్ అవుతుంటారు. ఇందులో నిజాలు ఏంటో చూద్దాం.
శృంగారం తర్వాత..
ఆడవారి శరీరంలో ఫేర్మోన్స్ స్మెర్మ్ కణాలను ఆకర్శిస్తాయి. ఇవి ఓ చోట గుమికూడి ఒక్కసారిగా కదులుతాయి. శృంగారం తర్వాత ఆడవారిలో తెల్లని ద్రవం రిలీజ్ అవుతుంది. అయితే ఈ సమయంలో యూరిన్ వెళ్ళడం, ఆ ప్రాంతాన్ని కడగడం వల్ల గర్భం వచ్చే అవకాశాలు ఏ మాత్రం తగ్గవని చెబుతున్నారు నిపుణులు.
Also Read : Romance after Delivery : డెలివరీ తర్వాత ఎన్ని రోజులకి శృంగారంలో పాల్గొనాలి..
ఎలాంటి ఎఫెక్ట్..
రొమాన్స్ తర్వాత యూరిన్ వెళ్ళడం ప్రెగ్నెన్సీ వచ్చే అవకాశాలపై ఎలాంటి ఎఫెక్ట్ ఉండదని, దీనికి ఎలాంటి ఆధారాలు కూడాల లేవని బల్ల గుద్ది మరీ చెబుతున్నారు నిపుణులు. దీనిపై జరిగే ప్రచారంలో ఎలాంటి నిజం లేదని చెబుతున్నారు కూడా.
ఆ కార్యంతో మూత్ర విసర్జనతో..
అయితే, ఆ కార్యమయ్యాక మూత్ర విసర్జన చేయడం వల్ల ఆరోగ్య ప్రయోజనాలు చెబుతున్నారు నిపుణులు. దీని గురించి సైన్స్ పరంగా కొన్ని విషయాలు చెబుతున్నారు కూడా. అవేంటో కూడా తెలుసుకోండి..
Also Read : Glucose Test : ప్రెగ్నెన్సీ టైమ్‌లో ఈ టెస్ట్ కచ్చితంగా చేయించుకోవాలి..
యూరిన్ వెళ్ళడం వల్ల..
మూత్రం విసర్జన సమయంలో యూరిన్ మూత్రనాళం ద్వారా ప్రయాణిస్తుంది. ఆడవారి మూత్రనాళం చిన్నది. కేవలం 1.5 సెంటి మీటర్ల పొడవు మాత్రమే ఉంటుంది. మూత్ర ద్వారం గుహ్యాంకురానికి, యోనికి మధ్య ఉంటుంది. పాయువుకి దగ్గరగా ఉంటుంది. ఇది శృంగార సమయంలో హానికరమైన బ్యాక్టీరియాని మూత్రనాళంలోకి ప్రవేశించే ప్రమాదాన్ని పెంచుతుంది. దీని కారణంగా యూరినరీ ట్రాక్ట్ ఇన్ఫెక్షన్ వస్తుంది.
యూటీఐ దూరమయ్యేందుకు..
కలయిక తర్వాత మూత్ర విసర్జన చేయడం వల్ల మూత్రనాళం నుండి బ్యాక్టీరియా బయటికి వెళ్ళిపోతుంది. దీంతో యూటీఐ అంటే యూరినరీ ట్రాక్ట్ ఇన్ఫెక్షన్ వంటి సమస్యల ప్రమాదం తగ్గుతుందని నిపుణులు చెబుతున్నారు.
అవన్నీ అపోహలు..
ఇన్ని విషయాలు చెబుతున్న నిపుణులు.. శృంగారం తర్వాత మూత్ర విసర్జన చేయడం వల్ల గర్భం వచ్చే అవకాశాలు తగ్గడం అనేది అపోహ మాత్రమే చెబుతున్నారు. మూత్రనాళం, యోని రెండు దగ్గరగా ఉన్నప్పటికీ అవి వేర్వేరు అవయవాలని గుర్తించానలి చెబుతున్నారు.
శృంగార సమయంలో..
సాధారణంగా కలయిక సమయంలో వీర్యం యోనిలో స్కలించబడుతుంది. కలయిక తర్వాత మూత్ర విసర్జన కోసం నిల్చున్నప్పుడు అందులో కొంత భాగం బయటికి వస్తుంది. ఇది మామూలే.. కానీ దీని వల్ల మొత్తం బయటికి వస్తుందని కాదు. గుడ్డు ఫలదీకరణం చేసేందా లోపల తగినంత మిగిలే ఉంటుంది.
మొత్తానికీ..
గర్భం వద్దనుకునేవారు రక్షణ లేకుండా శృంగారంలో పాల్గొని మూత్ర విసర్జన చేసి తమకి ప్రెగ్నెన్సీ రాదనుకోవడం సరికాదు. అదే విధంగా ఈ కారణం వల్లే తమకు పిల్లలు పుట్టడం లేదని దంపతులు బాధపడొద్దు.. ఏవైనా మీకు సందేహాలుంటే డాక్టర్‌ని కలవడం మంచిదని చెబుతున్నారు నిపుణులు. శృంగారం తర్వాత మూత్ర విసర్జన చేయడం వల్ల యూటీఐ వంటి సమస్యలకి వ్యతిరేకంగా నివారణ చర్యగా మాత్రమే పని చేస్తుందని గుర్తుపెట్టుకోండి.
గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News