Children Vaccination: పిల్లలకు వ్యాక్సిన్‌ వేయించేప్పుడు.. ఇవి కచ్చితంగా గుర్తుపెట్టుకోవాలి..!

Children Vaccination: చిన్నారులను అనేక అనారోగ్యాల నుంచి రక్షణ కల్పించడానికి.. వ్యాక్సిన్స్‌ వేయించడం చాలా ముఖ్యం. నేషనల్ ఇమ్యూనైజేషన్ షెడ్యూల్ ప్రకారం పిల్లలు పుట్టిన వెంటనే వ్యాక్సినేషన్‌ వేయించాల్సి ఉంటుంది. ముఖ్యంగా 12 వాక్సిన్లు చాలా ముఖ్యం. చికెన్‌పాక్స్, డిఫ్తీరియా, టెటనస్, పెర్టూసిస్ వ్యాక్సీన్, ఇన్‌ఫ్లూయెంజా టీకా, హ్యూమన్ పాపిలోమా వైరస్ వ్యాక్సీన్, జపనీస్ ఎన్సెఫలిటిస్ (బ్రెయిన్ ఫీవర్) టీకా, హెపటైటిస్ ఎ, హెపటైటిస్ బి వ్యాక్సీన్, మీజిల్స్, మంప్స్ వ్యాక్సీన్, మెనింగోకోకల్ వ్యాక్సీన్, న్యూమోకోకల్ టీకాలను మరిచిపోకుండా పిల్లలకు వేయించాలి. పిల్లలు పుట్టినప్పటి నుంచి.. వారికి ఎప్పుడు టీకాలు వేయించాలో తల్లిదండ్రులకు తెలిసి ఉండాలి. ప్రతి బిడ్డకు సకాలంలో టీకాలు వేయించడం చాలా ముఖ్యం.

వ్యాక్సిన్‌ మానవ రోగనిరోధక వ్యవస్థను బలోపేతం చేయడానికి సహాయపడుతుంది, అంటు వ్యాధులతో పోరాడుతుంది. వ్యాక్సినేషన్‌ అనేది వ్యాధికారక, వ్యాధికారక భాగం, వ్యాధికారక ఉత్తేజిత ప్రోటీన్‌లకు గురైన తర్వాత మానవ రోగనిరోధక వ్యవస్థను మెరుగుపరిచే ప్రక్రియ. రోగనిరోధక వ్యవస్థ వ్యాధికారకానికి వ్యతిరేకంగా యాంటీబాడీస్‌ను, మెమరీ సెల్స్‌ ఉత్పత్తి చేస్తుంది. చిన్నారులకు వ్యాక్సిన్‌ వేసేప్పుడు తీసుకోవలసిన జాగ్రత్తలు, చేయకూడాని పనుల గురించి ఈ స్టోరీలో చూద్దాం.
టీకా వేయించేప్పుడు ఇవి గుర్తుపెట్టుకోండి..
వ్యాక్సినేషన్‌ షెడ్యూల్‌ గురించి మీ డాక్టర్‌ను అడిగి తెలుసుకోండి.
మునుపటి టీకాలు, వేయించిన తేదీని గురించి రికార్డు మెయింటేన్‌ చేయండి.
మునుపటి టీకాలు హైపర్సెన్సిటివిటీ ప్రతిచర్యల గురించి డాక్టర్‌కు వివరించండి.
మీ పిల్లల మెడికల్‌ హిస్టరీ గురించి, వ్యాక్సినేషన్‌ వేయించే సమయంలో వాళ్లకు తెలియజేయండి.
టీకాలు వేయడానికి ముందు చిన్నారిని రిలాక్స్‌ చేయండి.
నొప్పిని తగ్గించడానికి ఇంజెక్షన్ సైట్ వద్ద ఐస్‌ పెట్టడం లాంటివి చేయండి. వ్యాక్సిన్‌ వేయించిన తర్వాత.. చిన్నారిని గమనించండి, దీంతో ఎవైనా సైడ్‌ఎఫెక్ట్స్‌ ఉంటే వెంటనే రియాక్ట్‌ అవ్వచ్చు.
ఈ పనులు చేయవద్దు..
కౌంటర్లో, అర్హత లేని వారి దగ్గర వ్యాక్సిన్‌ వేయించవద్దు..
టీకా షెడ్యూల్‌ను మిస్ చేయవద్దు
ఇంజెక్షన్ సైట్ వద్ద బలవంతంగా రుద్దవద్దు
టీకాలు వేయడానికి ముందు మీ పిల్లలుక యాంటీబయోటిక్స్‌ ఇవ్వద్దు.
(Dr. Srikanth D, Sr. Consultant Pediatrician & Neonatologist, Yashoda Hospitals, Hyderabad)


గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.