ఎందుకు వస్తాయి...?
గర్భం ధరించినపుడు మహిళలో హార్మొన్ల మార్పులు వస్తాయి. ఈస్ట్రోజన్‌ హోర్మోన్ల స్థాయి పెరుగుతుంది. హెచ్‌సీజీ అనే హార్మోన్ వికారం కలిగిస్తుంది.
విడతల వారీగా ఆహారం..
ఆహారం విషయంలో కొన్ని మార్పులు చేసుకోవాలి. వేళకు భోజనం చేయాలి. తక్కువ, తక్కువగా.. తరచుగా తీసుకోవడం మంచిది. దీని ద్వారా వాంతులు రాకుండా అడ్డుకోవచ్చు. అప్పుడప్పుడూ ఆహారం తినటం మంచిది. మీ బెడ్ పక్కన కొన్ని సాదా బిస్కెట్లు, పొడి బ్రెడ్ ఉంచుకోండి. లేచిన వెంటనే ఇవి తింటే వికారం తగ్గించవచ్చు.
పుల్లపుల్లగా తినండి
దానిమ్మ, నిమ్మ, ద్రాక్ష, ఆరెంజ్‌... పండ్ల రసాలను తీసుకోండి కొంత ఉపశమనం లభిస్తుంది. వేయించిన సోంపు, ఎండు ఉసిరి ముక్కలు బుగ్గనపెట్టుకున్నా వికారం తగ్గుతుంది. చల్లని పెరుగన్నం, చల్లటి పాలు, సగ్గుబియ్యం పాయసం వంటివి తీసుకుంటే వాంతుల వల్ల వచ్చే గొంతు మంట తగ్గుతుంది.
కార్న్‌ఫ్లేక్స్‌, సీరియల్‌ బార్స్‌, ఖర్జూరాలు, బ్రెడ్ జామ్‌, అటుకులు, ఇడ్లీ, సగ్గుబియ్యం కిచిడి, సేమ్యా ఉప్మా, అటుకుల ఉప్మా, కట్లెట్‌, ఆలూ శాండ్‌విచ్‌, ఉడకబెట్టిన చిలగడదుంప తినొచ్చు.
నిమ్మరసం
మీకు వికారంగా ఉంటే.. నిమ్మరసం తాగితే కొంత ఉపశమనం లభిస్తుంది. మీకు కడుపులో వికారం మొదలైనప్పుడు వేడి నీటిలో నిమ్మరసం వేసి తాగితే కొంత ఉపశమనం లభిస్తుంది.
వాము కూడా మీ వికారాన్ని దూరం చేస్తుంది. కొంచెం వాము నమిలితే మీకు ప్రశాంతంగా ఉంటుంది.
(Pic credit pixabay)
సరిపడా నిద్ర
తిన్న వెంటనే పడుకోవద్దు. ఇది వికారాన్ని పెంచుతుంది. రోజూ కాసేపు తప్పక నడవాలి. సాధ్యమైనంత వరకు నిటారుగా కూర్చోవడానికే ప్రయత్నించాలి. రాత్రి త్వరగా నిద్రపోండి. పగటి వేళ కూడా కొంత సమయం నిద్రపోతే మంచిది. నిద్ర సరిపడా ఉంటే వికారం తగ్గే అవకాశం ఉంది.
అల్లం
వేవిళ్ల సమస్యకు అల్లం చాలా బాగా ఉపయోగపడుతుంది. మీకు వికారంగా ఉంటే అల్లం ముక్కలు కోసి వాసన చూస్తే కొంత ఉపశమనం లభిస్తుంది. మార్కెట్లో అల్లం మురబ్బా దొరుకుతుంది.. దీన్ని తిన్న మీకు వాంతులు రాకుండా ఉంటాయి. అల్లం టీ తాగినా మీకు మంచి రిజల్స్ ఉంటాయి. అల్లం, ఉప్పు, నిమ్మరసం కలిసిన మిశ్రమాన్ని తీసుకోవడంతో మంచి ఫలితం ఉంటుంది.
(photo credit pixabay)
రిస్ట్ బ్యాండ్‌..
వాంతులు, వికారంగా ఉన్నప్పుడు ఉపశమనం కోసం పెద్దవాళ్లు మణికట్టు దగ్గర బొటనవేలుతో నొక్కుతారు. దీన్నే మన బాషలో ఆక్యుప్రెజర్‌ అంటాం. ముంజేయి లోపలి వైపు, మణికట్టు నుంచి 2.5 వేళ్ల దూరంలో ఉండే పీసీ6 పాయింట్ వద్ద ఒత్తిడి కలిగిస్తే.. వాంతులు తగ్గుతాయి. ఈ నాసియా రిస్ట్ బ్యాండ్‌ కూడా అదే పని చేస్తుంది. ఈ బ్యాండ్‌ మధ్యలో ఆక్యుప్రెజర్‌ పాయింటర్‌ ఉంటుంది. ఈ పాయింటర్‌ మణికట్టు దగ్గర ఉండే నాడులపై ఒత్తిడి కలిగించి, తద్వారా కొంత ఉపశమనం కలిగిస్తుంది. ముఖ్యంగా రాత్రి పడుకునే ముందు ఈ బ్యాండ్‌ పెట్టుకుంటే మంచి ఫలితం ఉంటుందని నిపుణుల అంటున్నారు.
(image credit - youtube - Craig's Tech Talk)