మా అబ్బాయి వీడియో గేమ్స్ అడిక్ట్ అయ్యాడు.. వాడిని ఎలా మార్చాలి..

సమస్య : మా అబ్బాయికి పద్నాలుగేళ్ళు నిండాయి. వాడు అన్లైన్‌లో గేమ్స్ ఆడేందుకు బోలెడంత టైమ్ స్పెండ్ చేస్తున్నాడు. ఆ పని ఆపమని చెప్పినా, మాకేమైనా హెల్ప్ చేయమని చెప్పినా తన రూమ్‌లోకి వెళ్ళి తలుపు వేసుకుంటున్నాడు. ఆ గదిలో ఉన్నంతసేపూ మేము అడిగినా సమాధానం చెప్పడు. ఎలా ఈ సమస్యలో నుంచి బయటపడాలో అర్ధం కావట్లేదు. మా అబ్బాయి మమ్మల్ని ద్వేషించకుండా తనకి ఈ అలవాటులో నుంచి ఎలా బయట పడేయాలో సలహా ఇవ్వండి.

సలహా : వీడియో గేమ్స్ లాంటి క్విక్ ఎంటర్టెయిన్మెంట్ మీద టైమ్ స్పెండ్ చేసే పిల్లలు ఆ తర్వాత దేని మీద శ్రద్ధ పెట్టలేనివారుగా తయారవుతారు. మనం చెప్పేది వాళ్ళు త్వరగా అర్ధం చేసుకోలేరు కూడా. పైగా దీని వల్ల యాంగ్జైటీ, నలుగురిలో కలవలేకపోవడం వంటి సమస్యలు కూడా ఎదురవుతాయి. అయితే, ఒక పేరెంట్‌గా మీ బాధ్యత అతనికి పూర్తిగా గేమ్స్ అందకుండా చేయడం కాదు. ఇన్‌డోర్ గేమ్స కీ, ఔట్ డోర్ గేమ్స్‌కీ బాలెన్స్ చేసుకోడానికి హెల్ప్ చేయడం. అప్పుడే అతను హెల్దీగా పెరుగుతాడు.

Also Read : పాలకూర తింటే కాన్సర్ రాదా..

ఎక్కువ సేపు స్క్రీన్ చూస్తూ ఉండడం మంచిది కాకపోయినా, ఈ సమస్య ముందు నుంచి ఉందా, లాక్ డౌన్ వల్ల ఏం చేయాలో తెలియక ఈ పని చేస్తున్నాడా అన్న విషయం మీరు గమనించాలి. ఈ మధ్యే ఇలా జరిగింది అంటే అతను బయటికి వెళ్ళడానికి, ఫ్రెండ్స్‌ని కలవడానికి ఇలా చేస్తున్నాడు అని అర్ధం చేసుకోవచ్చు. మీరు కొంచెం సహనంగా ఉండి ఈ కింద టిప్స్ పాటిస్తే మీ సమస్య చాలావరకూ పరిష్కారమవ్వచ్చు.

Also Read : మిరియాలతో ఇలా చేస్తే జలుబు తగ్గి ఇమ్యూనిటీ కూడా పెరుగుతుంది..

1. మీ అబ్బాయిని రకరకాల ఇన్‌డోర్ యాక్టివిటీస్‌లో ఇన్వాల్వ్ చేయండి. బోర్డ్ గేమ్స్ ఆడడం, మ్యూజిక్ వినడం, వంటలో సాయం చేయడం...ఏదైనా సరే. దీని వల్ల మీకూ, మీ అబ్బాయికీ మధ్య కన్వర్జేషన్ పెరుగుతుంది.
2. అతను రోజుకి ఎంత సమయం గేమ్స్ ఆడుకోవచ్చో ఒక టైమ్ చెప్పండి. ఇది మరీ ఎక్కువగా, లేదా మరి తక్కువగా ఉండకుండా చూసుకోండి. వీకెండ్స్‌లో ఇంకొంచెం ఎక్కువ సమయం ఇవ్వండి. మీరు చెప్పిన టైమ్‌ని ఫాలో అవుతున్నాడో లేదో చెక్ చేసుకుంటూ ఉండండి.
3. ఇంటి పనుల్లో సాయం చేసినప్పుడల్లా అతనికి నచ్చిన పని ఒకటి చేయండి. వీలున్నంత వరకూ ఇవి డబ్బుతో ముడిపడి ఉండకుండా చూసుకోండి. అతనికి ఇష్టమైన కూర చేసిపెట్టడమో, అతనితో కలిసి అతని బట్టల బీరువా సర్ది పెట్టడమో.. ఇలాంటివి ట్రై చేయండి.
4. మీ అబ్బాయికి ఇంతవరకూ రీడింగ్ హాబిట్ లేకపోతే అలవాటు చేయండి. లేదా, అతనికి నచ్చిన మ్యూజికల్ ఇన్స్ట్రుమెంట్ కొనిపెట్టి ఆన్లైన్ క్లాసెస్ లో ఎన్‌రోల్ చేయండి.
5. అతని ఫ్రెండ్స్‌తో, కజిన్స్‌తో కబుర్లు చెప్పుకోడానికి ఎంకరేజ్ చేయండి. మనసు విప్పి మాట్లాడుకున్నప్పుడు చాలా చిరాకులు వాటంతటవే తగ్గిపోతాయి.

Also Read : ఇంట్లోనే అన్‌వాంటెడ్ హెయిర్‌ని తొలగించుకోండిలా..

ఇవేవీ పని చేయక, పరిస్థితి చేయి దాటిపోతోంది అనుకుంటే థెరపిస్ట్‌ని గానీ, మీ పీడియాట్రీషియన్‌ని కానీ సంప్రదించండి. అప్పుడు సమస్య ఇంకా తీవరం కాకుండా చూడచ్చు.