విటమిన్ సీ..
విటమిన్ సి పుష్కలంగా ఉండే ఆహారాలు కడుపుపై స్ట్రెచ్ మార్క్స్ ను నివారించడానికి, చర్మ సమస్యలను దూరం చేయడానికి అద్భుతంగా పనిచేస్తాయి. గర్భధారణ సమయంలో మీ డైట్‌లో విటమిన్ సీ పుష్కలంగా ఉండే కమల, నిమ్మకాయలు, జామపండ్లు, స్ట్రాబెర్రీలు, రాస్ప్బెర్రీస్, క్రాన్బెర్రీస్, పచ్చకాయ, కర్బూజ, కీరా తీసుకోండి. ఈ పండ్లు మీ ఆరోగ్యానికీ మేలు చేస్తాయి.
ఇంటి దగ్గర విటమిన్ సి ని తయారు చేద్దాం ఇలా
విటమిన్ ఏ ..
స్ట్రెచ్ మార్క్స్‌ను నివారించండానికి విటమిన్ ఎ అధికంగా ఉండే ఆహారం గొప్ప పరిష్కారం. విటమిన్ ఎ మీ చర్మం సమగ్రతను నిర్వహించడానికి సహాయపడుతుంది. దీనిలో యాంటీఆక్సిడెంట్‌ గుణాలు.. చర్మాన్ని రక్షిస్తాంది. విటమిన్ ఏ అధికంగా ఉండే.. చిలగడదుంప, గుమ్మడికాయ, క్యారెట్‌, మామిడి, చీజ్‌, గుడ్లు, లివర్‌ మీ డైట్‌లో చేర్చుకోండి. పాలకూర, జామ, ప్యాషన్‌ ఫ్లూడ్‌, గుడ్లలోనూ విటమిన్ ఏ అధికంగా ఉంటుంది.
నీళ్లు ఎక్కువగా తాగండి..
స్ట్రెచ్ మార్క్స్ రాకుండా ఉండాలంటే.. శరీరాన్ని హైడ్రేటెగా ఉంచాలి. సరిపడా నీళ్లు తాగకపోతే.. చర్మం పొడిబారుతుంది, దీని కారణంగా డీహైడ్రేషన్‌కు గురవుతారు. చర్మం పొడిబారడం వల్ల.. చర్మానికి సులభంగా పగుళ్లు ఏర్పడతాయి. నీళ్లు అధికంగా తాగడంతో పాటు.. నీరు అధికంగా ఉండే పండ్లు, కూరగాయలు ఎక్కువగా తీసుకోండి. ఇవి మిమ్మల్ని హైడ్రేట్‌గా ఉంచుతాయి.
విటమిన్ ఈ..
విటమిన్ ఈ యాంటీఆక్సిడెంట్‌గా పనిచేస్తుంది. ఇది ఆక్సీకరణ ఒత్తిడిని నివారిస్తుంది, గాయాన్ని త్వరగా నయం చేస్తుంది. ఇది పొట్టపై స్ట్రెచ్ మార్క్స్ పడకుండా రక్షిస్తుంది. ప్రెగ్నెన్సీ సమయంలో మీ ఆహారంలో.. పొద్దుతిరుగుడు గింజలు, గుమ్మడికాయ గింజలు, పీనట్‌ బటర్‌, టమాటాలు తీసుకోండి.
ఒమేగా 3 ఫ్యాటీ యాసిడ్స్‌..
ఒమేగా 3 ఫ్యాటీ యాసిడ్స్‌ అధికంగా ఉండే ఆహారాలు పొట్టపై స్ట్రెచ్ మార్క్సను నివారించడానికి సహాయపడతాయి. సాల్మన్, మాకేరెల్, సార్డినెస్, అవిసె గింజలు, వాల్‌నట్‌, సోయాబీన్స్ వంటి ఒమేగా 3 ఫ్యాటీ యాసిడ్స్‌ అధికంగా ఉండే ఆహార పదార్థాలు ఎక్కువగా తీసుకోండి.
విటమిన్ డీ..
విటమిన్ డీ తక్కువగా ఉంటే స్ట్రెచ్ మార్క్స్ ఎక్కువగా పడతాయని ఓ అధ్యయనం స్పష్టం చేసింది. విటమిన్ D పుష్కలంగా తీసుకుంటే.. స్ట్రెచ్ మార్క్స్‌ను నివారించవచ్చు. విటమిన్ డి పొందడానికి సులభమైన మార్గం ఉదయం పూట సూర్యరశ్మిలో కొంతసేపు గడపండి. విటమిన్ డి సాల్మన్, కాడ్‌ లివర్‌, గుడ్డు సొన, పుట్టగొడుగులు, ఓట్స్‌ తీసుకోండి.
Also read: పిల్లల్లో విటమిన్ D లోపం ఉంటే.. ఈ సమస్యలు వస్తాయ్‌..!
జింక్..
జింక్ చర్మ ఆరోగ్యానికి ముఖ్యమైన పోషకం. ఇది మంటను తగ్గించడంలో సహాయపడుతుంది. గాయాన్ని త్వరగా తగ్గిస్తుంది. చికెన్, రెడ్‌మీట్‌, బీఫ్‌, సాల్మన్ చేపలు, గుడ్లు వంటి ఆహార పదార్థాల్లో జింక్ అధికంగా ఉంటుంది. చిక్కుళ్లు, పాల ఉత్పత్తులలోనూ జింక్ మెండుగా ఉంటుంది.
జింక్ లోపిస్తే ఈ సమస్యలు వస్తాయంట.. జాగ్రత్త..!
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.