Breast Feeding: ఈ జనరేషన్‌లో చేతిలో ఫోన్ లేకపోతే క్షణం అయినా గడవదు. పొద్దున లేచింది మొదలు.. రాత్రి పడుకునే వరకూ ఫోన్ లేకపోతే ఏ పని అవ్వదు. పిల్లలు ఆడుకోవడానికి బొమ్మలకు బదులు ఫోన్ అడుగుతున్నారు. పిల్లలు ఏదైనా మారం చేసినా.. వారికి ఫోన్‌ను లంఛంగా ఇచ్చేస్తున్నారు. బిడ్డకు జన్మనిచ్చిన తల్లులూ.. కొంచెం ఖాళీ దొరికితే చాలు ఫోన్ చెక్‌ చేస్తూ ఉంటారు. కొంతమంది తల్లులు బిడ్డకు పాలిచ్చే సమయంలోనూ ఫోన్ చూస్తూ ఉంటారు. బిడ్డకు పాలిచ్చేటప్పుడు మొబైల్ వాడకం వల్ల తల్లి, బిడ్డపైనా ఎలాంటి ప్రభావం పడుతుందో డా. సునీతా తండుల్వాడ్కర్ ఈ స్టోరీలో మనకు వివరించారు. (Dr. Sunita Tandulwadkar is a Chief IVF Consultant and Endoscopist of Ruby Hall Clinic)
చాలా మంది తల్లులు తల్లిపాలు ఇచ్చేప్పుడు.. స్మార్ట్‌ఫోన్‌లు చూస్తూ ఉంటారు. ఇది పూర్తిగా అనారోగ్యకరమని డాక్టర్‌ సునీతా అన్నారు. తల్లిపాలు బిడ్డకు ఆహారం మాత్రమే కాదు, తల్లి - బిడ్డల మధ్య బంధాన్ని కూడా బలోపేతం చేస్తాయని డాక్టర్‌ అన్నారు. బిడ్డకు పాలు ఇచ్చేప్పుడు తల్లి ఫోన్ చూస్తుంటే.. తల్లి, బిడ్డ రిలేషన్‌పై ప్రభావం పడుతుంది. బిడ్డకు పాలిచ్చేప్పుడు ముఖాముఖీ స్థితిని మార్చడం వల్ల శిశువు పట్ల శ్రద్ధ లోపిస్తుంది.
ఇది తల్లి పాలివ్వడంలో ఆమె ఫోన్‌ను చూస్తున్నప్పుడు తల్లి మరియు తల్లి మధ్య మానసిక బంధాన్ని ప్రభావితం చేస్తుంది. తల్లి పాలివ్వడంలో తల్లి మరియు బిడ్డల మధ్య ముఖాముఖీ స్థితిని మార్చడం వలన శిశువు పట్ల శ్రద్ధ లోపిస్తుంది.
బిడ్డకు పాలిచ్చేప్పుడు.. తల్లి ఫోన్ చూస్తుంటే.. వారి పొజిషన్‌ పైనా ప్రభావం పడుతుందని నిపుణులు అంటున్నారు. దీని కారణంగా నడుము నొప్పి, పాలు తాగడంలో బిడ్డకు అసంతృప్తి, నిద్ర సరిగ్గా లేకపోవడం వంటి సమస్యలు ఎదురవుతాయి. మొబైల్ ఫోన్ చూస్తున్నప్పుడు తల్లి పొజిషన్‌ సరిగ్గా లేకపోతే.. బిడ్డకు సరిగ్గా పాలు అందకపోతే.. శిశువు ఎదుగుదలపై ప్రభావం పడుతుంది. ఆకలి కారణంగా, బిడ్డ నిద్రపైన ఎఫెక్ట్‌ పడుతుంది. బిడ్డకు పాలిచ్చేప్పుడు.. స్మార్ట్‌ఫోన్‌ వాడకం వల్ల తల్లి, బిడ్డ ఆరోగ్యంపైనా ప్రభావం పడుతుందని నిపుణులు చెబుతున్నారు. వీటిని దృష్టిలో ఉంచుకుని స్మార్ట్‌ ఫోన్‌కు దూరంగా ఉండాలని సూచిస్తున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.