Baby Boy Names: మీ చిన్నారికి మహాభారతంలోని పేర్లు పెట్టాలనుకుంటే.. ఇవి మీకోసమే

Baby Boy Names: ‘తింటే గారెలే తినాలి, వింటే భారతమే వినాలి’ అనే సామెత మనందరికీ తెలుసు. మహాభారతం మించిన ఇతిహాసం, అంత సాహిత్యం ఇంకోటి లేదు. పంచమవేదంగా ఖ్యాతిగాంచిన మహాభారతం .. నేటీ మానవ జీవన విధానానికి సోపానం. సామాజిక జీవన శైలిని ఎలా మలచుకోవాలో మనకు మహాభారతం చెప్తుంది. మహాభారతంలోని పాత్రలు మన నేటి జీవన విధానానికి సజీవ సాక్ష్యాలు. అలాంటి మహాభారతంలో ప్రసిద్ధ పాత్రల పేర్లను మీ పిల్లలకు పెట్టవచ్చు. ఈ రోజుల్లో ట్రెండ్‌కు తగ్గట్టు.. పంచమవేదంలోని పేర్లు మీ చిన్నారులకు పెట్టాలనుకుంటే.. ఈ స్టోరీ చదివేయండి.
అగస్త్య..

image source - pixabay

మీ అబ్బాయి పేరు 'అ' తో మొదలు కావాలంటే.. అగస్త్య అనే పేరు చాలా బాగుంటుంది. అగస్త్యుడు గొప్ప రుషి. అగస్త్యుడు ఎన్నో ఇతిహాసాలు, పురాణాలలో కనిపిస్తాడు. ముఖ్యంగా రామాయణ, మహాభారతాలలో అతని ప్రస్తావన ఉంది. మీ చిన్నారికి అగస్త్య పేరు పెట్టవచ్చు.
అభిమన్యు..
అభిమన్యుడు అర్జునుడి కుమారుడు. మహాభారత యుద్ధంలో అభిమన్యుడి విరోచిత పోరాటం గురించి తెలియనివారు ఉండరు. కేవలం అర్జునుడికి మాత్రమే సాధ్యమైన పద్మవ్యూహాన్ని ఛేదించడానికి వెళ్లి అరివీర భయంకరంగా కౌరవ సేనను ధూనమాడిన యోధుడు. అభిమన్యు అంటే ఆత్మగౌరవం, ఉత్సాహం అని అర్థం. మీ అబ్బయికి అభిమన్యు అని పేరు పెడితే బాగుంటుంది.
అధిరత్..

image source- pixabay

మీరు మీ అబ్బాయికి ట్రెడిషనల్‌ పేరుకోసం చూస్తున్నట్లయితే.. అధిరత్ అని పెట్టవచ్చు. మహాభారతంలో అధిరథుడు కర్ణుని పెంపుడు తండ్రి, భీష్ముని రథసారధి. అతను అన్ని సూతలకు నాయకుడు, రాజ సారథి కూడా.
బలరామ్‌..
శ్రీకృష్ణుని అన్నయ్య పేరు బలరాముడు. ఈ పేరు పౌరాణిక పేర్లు, సాంప్రదాయ పేర్ల జాబితాలో వస్తుంది. దక్షిణ భారతదేశంలో ఇప్పటికీ చాలా మంది వారి పిల్లలకు ఈ పేరు పెడుతూ ఉంటారు.
ఏకలవ్య..

image source- pixabay

ఏకలవ్యుడు... ద్రోణాచార్యుడి ప్రతిమనే గురువుగా భావించి విలువిద్య నేర్చుకున్న ఆటవిక వీరుడు. మహాభారతంలో ఏకలవ్యుడి కథ తెలియనివారుండరు. మీరు మీ చిన్నారికి ఏకలవ్య అని పెట్టవచ్చు.
ఇంద్ర..
అర్జునుడు.. ఇంద్రుని మంత్ర ప్రసాదం. ఇంద్రుడు దేవతలకు రాజు. మీ అబ్బాయికి ఇంద్ర అని పేరు పెడితే బాగుంటుంది.
కర్ణ..
మహాభారతంలోని పాత్రలలో కర్ణుడు ఒకరు. తన జీవితాంతం కర్ణుడు కర్మను నమ్మాడు. తన జీవితాన్ని చాలా ధైర్యంగా ఆస్వాదించాడు. ఎలాంటి కష్టాన్నైనా.. ఓర్పుతో ఎలా ఎదుర్కోవాలనే విషయాన్ని మహాభారతంలో కర్ణుడి ద్వారా తెలుసుకోవచ్చు. కర్ణుడి అసలు పేరు వసుషేణుడు. మీ అబ్బాయికి కర్ణ అని పేరు పెట్టవచ్చు.
సంవర్ణ..

image source- pixabay

మీ అబ్బాయి పేరు 'స'తో రావాలంటే.. సంవర్ణ అనే పేరును సెలెక్ట్‌ చేసుకోవచ్చు. ప్రజాపిత రాజు కుమారుడు. ఈ పేరు చాలా యూనిక్‌గా ఉంటుంది.
ఉగ్రసేన్..
మీ బాబుకు ప్రత్యేకమైన పేరు పెట్టాలనుకుంటే.. ఉగ్రసేన్ చాలా బాగుంటుంది. 100 మంది కౌరవులలో ఒకరి పేరు ఉగ్రసేనుడు.
సహదేవ్‌..
సహదేవుడు మహాభారత ఇతిహాసములొ పాండవులలో ఐదవవాడు. అశ్వనీదేవతల అంశ. మీ అబ్బాయికి ఈ పేరు పెడితే చాలా బాగుంటుంది. ఈ పేరు ట్రెండీగా కూడా ఉంటుంది.