దురద ఎందుకు వస్తుంది..
హార్మోన్ స్థాయులలో మార్పులు, ఎక్ట్రా బ్లడ్‌ పంపింగ్‌ పెరగడం, పొడి చర్మం కారణంగా ప్రెగ్నెన్సీ టైంలో దురద వస్తూ ఉంటుంది. పొట్ట పెరిగిన కొద్దీ చర్మం సాగుతూ పగులుతుంటుంది, దీని వల్ల దురద వచ్చే అవకాశం ఉంది. ఖోలేస్టేసిస్, లేట్ ప్రెగ్నెన్సీ, ప్రూరిగో వంటి కొన్ని మెడికల్‌ కండీషన్స్‌ వల్ల కూడా దురద వస్తుందని నిపుణులు అంటున్నారు.
ఓట్ మీల్..
ఓట్ మీల్ సహాయంతో.. ప్రెగ్నెన్సీ సమయంలో వచ్చే దురద నుంచి బయటపడవచ్చు. ఓట్ మీల్‌‌లో యాంటీ ఇన్ఫ్లమేటరీ, యాంటీప్రూరిటిక్ లక్షణాలు పుష్కలంగా ఉంటాయి. దురద, ఇన్ఫ్లమేషన్ సమస్యల నుంచి ఇది రక్షిస్తుంది. దురద, ఇరిటేషన్ స్కిన్‌ ఉన్నవాళ్లు ఓట్ మీల్‌ను ప్రయత్నించవచ్చు. గర్భధారణ సమయంలో.. దురద వేధిస్తుంటే.. ఒక కప్పు ఓట్ మీల్ తీసుకుని వాటర్‌ టబ్‌లో వేయండి. ఆ నీటితో స్నానం చేస్తే.. దురద నుంచి ఉపశమనం లభిస్తుంది. రోజుకు ఒకసారి ఇలా స్నానం చేస్తే.. దురద నుంచి బయటపడవచ్చు.
కొబ్బరి నూనె..
దరద సమస్యను దూరం చేయడానికి కొబ్బరి నూనె సాయపడుతుంది. కొబ్బరి నూనెలో ఉండే.. లారిక్‌ యాసిడ్‌లో యాంటీ ఇన్ఫ్లమేటరీ గుణాలు ఉంటాయి. ఇవి దురదను తగ్గిస్తాయి. దరదతో బాధపడే గర్భిణులు.. కొబ్బరు నూనెతో ఆప్రాంతంలో కొంతసేపు మసాజ్‌ చేయండి. ఆతర్వాత, 30 నుంచి 40 నిమిషాలు అలానే వదిలేయండి. ప్రతి రోజు కొబ్బరి నూనె ఇలా అప్లై చేస్తే.. దురద త్వరగా తగ్గుతుంది.
కలబంద..
కలబంద చర్మ సమస్యలను, ఇన్ఫెక్షన్లను తగ్గించడానికి ఎంతగానో సహాయపడుతుంది. కలబందలో యాంటీ ఇన్ఫ్లమేటరీ, కూలింగ్‌ గూణాలు ఉన్నాయి. కలబంద వాడితే గర్భిణులకు దురద సమస్య నుంచి రిలీఫ్‌ దొరుకుతుంది. కొంచెం కలబంద గుజ్జును తీసుకుని.. సమస్య ఉన్న ప్రాంతంలో అప్లై చేయండి. అరగంట పాటు ఉంచి, ఆతర్వాత నీళ్లతో కడిగేయండి. వారానికి రెండు మూడ సార్లు చేస్తే, మీ సమస్య నుంచి బయటపడవచ్చు.
ఎసెన్షియల్ ఆయిల్స్..
ఎసెన్షియల్ ఆయిల్స్‌ను ఉపయోగించి.. దురదను తగ్గించవచ్చు. ఎసెన్షియల్ ఆయిల్స్‌లో యాంటీఇచ్చింగ్‌, యాంటీ ఇన్ఫ్లమేటరీ గుణాలు ఉన్నాయి. ఒక కప్పు కొబ్బరి నూనెలో 10 నుంచి 12 చుక్కల ఎసెన్షియల్ ఆయిల్‌ వేయండి. ఇది మీకు దురదగా ఉన్న ఏరియాలో అప్లై చేయండి. ఇలా చేస్తే దురద త్వరగా తగ్గుతుంది.
నిమ్మరసం..
నిమ్మరసంతోనూ.. దురదను పోగొట్టొచ్చు. నిమ్మరసంలో యాంటీ మైక్రోబియల్‌ గుణాలు సమృద్ధిగా ఉంటాయి. నిమ్మరసం చర్మంపై ఉండే క్రిములను తొలగిస్తుంది, చర్మం pH ను బ్యాలెన్స్‌ చేస్తుంది. ఇన్ఫ్లమేషన్ సమస్య కూడా తగ్గుతుంది. ఒక టేబుల్ స్పూన్ నిమ్మరసం తీసుకుని.. పావు కప్పు నీళ్లలో మిక్స్‌ చేయాలి. కాటన్‌ వస్త్రాన్ని అందులో ముంచి సమస్య ఉన్న ప్రాంతంలో అద్దండి. అరగంట పాటు అలానే వదిలేయండి. ఇలా చేస్తే, మీకు వెంటనే రిలీఫ్‌ వస్తుంది.
శెనగపిండి..
శనగ పిండితోనూ దురదను తగ్గించవచ్చు. శనగపిండిలో యాంటీ ఇన్ఫ్లమేషన్ గుణాలు ఉన్నాయి. ఇది ఎన్నో చర్మ సమస్యలను దూరం చేస్తుంది. దురదతో బాధపడే గర్భిణులు.. ఒక టేబుల్ స్పూన్ శనగపిండి, పెరగులో కలిపి.. దురదగా ఉన్న ప్రాంతంలో అప్లై చేయండి. ఇలా చేస్తే దురద వెంటనే తగ్గుతుంది.
ఈ టిప్స్‌ ఫాలో అవ్వండి..
- దురదగా ఉన్నప్పుడు.. ఆ ఏరియాలో ఐస్‌ ప్యాక్‌ ఉంచండి. చల్లదనం కారణంగా ఇరిటేషన్, దురద వెంటనే మాయం అవుతాయి. ఇది చాలా ఎఫెక్టివ్‌గా పని చేస్తుంది.
- కాలమిన్ లోషన్ వాడినా దురద తగ్గుతుంది. కొంచెం లోషన్‌ని తీసుకుని దురద వున్నచోట అప్లై చేస్తే.. సమస్య తగ్గుతుంది.
ఈ జాగ్రత్తలు తీసుకోండి..
- డ్రై స్కిన్‌ ఉన్నవాళ్లు, ప్రతి రోజు మాయిశ్చరైజర్‌ అప్లై చేసుకోవడం మర్చిపోవద్దు.
- మైల్డ్ సోప్, లోషన్స్‌ని మాత్రమే ఉపయోగించండి.
- వేడి నీళ్లతో స్నానం చేయవద్దు. మరీ వేడి నీళ్లతో స్నానం చేస్తే.. దురద ఇంకా ఎక్కువ అవుతుంది.
- స్నానం చేసేప్పుడు లూఫాని ఎక్కువగా వాడొద్దు.
- స్నానం పూర్తైన తర్వాత.. మెత్తగా ఉండే టవల్‌తో తుడుచుకోండి.
- లూజ్‌గా ఉండే బట్టలు ధరిస్తే మంచిది.
- మైల్ డిటర్జెంట్‌తో బట్టలను ఉతకండి.
- తడి బట్టలను ఎక్కువ సేపు ధరించకండి. వీటి వల్ల ఫంగల్‌ గ్రోత్‌ పెరుగుతుంది. సమస్య మరింత పెరిగే ప్రమాదం ఉంది.
- గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.