ఎవరితోనైనా పంచుకోండి :
చాలామంది ఈ విషయాన్ని ఆనందంగా పంచుకోవాలని అనుకుంటారు అయితే ఎవరికైనా వెంటనే చెప్పడం చాలా ముఖ్యం. మీ జీవిత భాగస్వామికి కానీ మీ బెస్ట్ ఫ్రెండ్కి కానీ లేదా మీ ఇంట్లో ఉండే ఎవరికైనా సరే ఈ విషయాన్ని చెప్పుకోండి. ఇది నిజంగా మీ ఆనందాన్ని మరింత ఎక్కువ చేస్తుంది.
డాక్టర్ అపాయింట్మెంట్ :
ఇంట్లో ప్రెగ్నెన్సీ టెస్ట్ చేసుకున్న తర్వాత ఒకసారి డాక్టర్ అపాయింట్మెంట్ తీసుకోండి. డాక్టర్లు కూడా మీ ఆరోగ్యాన్ని చూసి ముఖ్యమైన విషయాలు చెబుతారు. అదే విధంగా మీరు డైట్లో ఏం తీసుకోవాలి..?, ఎటువంటి మెడిసిన్స్ వాడాలి అనేది కూడా మీరు తెలుసుకోవచ్చు.
Also Read : ఇలాంటి వారిని పెళ్ళి చేసుకుంటే ఏ సమస్యలు రావట..
ప్రినేటల్ విటమిన్స్ :
కావల్సిన సప్లిమెంట్స్ మరియు విటమిన్స్ ని కూడా తీసుకోవడం చాలా ముఖ్యం. ప్రినేటల్ విటమిన్స్ సప్లిమెంట్స్ తీసుకోవడం వల్ల బేబీ ఆరోగ్యం బాగుంటుంది.
ఆల్కహాల్కి దూరంగా :
ప్రెగ్నెన్సీ వచ్చిన తర్వాత వీలైనంత వరకూ ఆల్కహాల్ మరియు కెఫిన్కి దూరంగా ఉండటం మంచిది. రోజుకి కెఫీన్ 200 మిల్లీ గ్రాముల కంటే ఎక్కువ తీసుకోవడం అస్సలు మంచిది కాదని డాక్టర్లు అంటున్నారు. 200 మిల్లీ గ్రాముల కెఫిన్ కంటే ఎక్కువ తీసుకోవడం వల్ల మిస్ క్యారేజ్ వంటి సమస్యలు వస్తాయని నిపుణులు చెబుతున్నారు. కాబట్టి ఈ విషయంలో కూడా జాగ్రత్తగా ఉండాలి.
పోషక పదార్థాలు :
ఆరోగ్యానికి మేలు చేసే ఆహారం పోషక విలువలు ఎక్కువగా ఉండే ఆహార పదార్థాలు తీసుకోవడం వల్ల ఆరోగ్యానికి మరింత మేలు కలుగుతుంది. కాబట్టి ఈ విషయంలో కూడా తగిన జాగ్రత్తలు తీసుకోవడం మంచిది.
Also Read : ఈ టీ తాగితే శరీరంలోని కొవ్వు కరుగుతుందట..
ముందుగా వచ్చే లక్షణాలపై శ్రద్ధ :
సాధారణంగా చాలా మంది మహిళల్లో క్రామ్ప్స్, తలనొప్పి, మార్నింగ్ సిక్ నెస్ వంటివి ఉంటాయి ఇటువంటి వాటితో జాగ్రత్తగా డీల్ చేసుకుంటూ ఉండాలి. కనుక వీలైనంత వరకు ఎక్కువ నీళ్లు తాగడం రెస్ట్ తీసుకోవడం లాంటివి చేయాలి.
ఇటువంటి లక్షణాలు గురించి ప్రత్యేక శ్రద్ధ :
కొంత మందికి బ్లీడింగ్, కడుపు నొప్పి మొదలైన సమస్యలు వస్తాయి అటువంటి వాళ్ళు ఖచ్చితంగా డాక్టర్ని కన్సల్ట్ చేయాలి. ఇలా తొమ్మిది నెలలు కూడా చాలా జాగ్రత్తగా ఉంటూ ఆరోగ్యంగా ఉండాలి. ఎంత మంచి పోషకాహారం తీసుకుంటే బిడ్డ అంత బాగుంటుంది అని తెలుసుకోండి ఇలా తగిన జాగ్రత్తలు తీసుకుని ఆరోగ్యంగా ఆనందంగా ఉండండి.
Also Read : పాలు తాగితే బరువు పెరుగుతారా..
అయితే కొంత మంది గర్భిణీలు వాళ్లకి తెలియక సమస్యలను నెగ్లెట్ చేస్తూ ఉంటారు. సరైన ఆహారం తీసుకోక పోవడం అదే విధంగా సరైన వైద్యం తీసుకోకపోవడం వల్ల ఎక్కువ సమస్యలు వస్తాయి కాబట్టి ఎప్పుడూ కూడా జాగ్రత్తగా ఉండాలి. ఆరోగ్యం విషయం లో ఆలస్యం చేయడం అనేది నిజంగా పెద్ద తప్పు కాబట్టి తగిన జాగ్రత్తలు తీసుకుని మంచి వైద్యుల సలహా తీసుకుని అనుసరించడం మేలు. కనుక సమస్య చిన్నదే కదా తర్వాత చూద్దాం అని వాయిదా వేయద్దు. సరైన మెడికేషన్, ఆహారం తీసుకుంటే ఏ సమస్య లేకుండా హాయిగా ఉండచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.