ఎక్కిళ్లు ఎందుకు వస్తాయ్‌..
డయాఫ్రమ్ ఇది సన్నని అస్థిపంజర కండరం. ఇది ఛాతీని, పొట్టను వేరు చేస్తుంది. వెక్కిళ్లు రాగానే శ్వాస ప్రక్రియలో కీలకంగా వ్యవహరించే డయాఫ్రమ్ కండరం సంకోచిస్తుంది. వెంటనే ఊపిరితిత్తుల్లోకి గాలి వేగంగా చేరుతుంది. దీని వల్ల స్వరపేటిక అకస్మాత్తుగా మూసుకుపోయి 'హిక్' అనే శబ్ధం వస్తుంది. శిశువు ఎక్కువ గాలిని మింగినా, ఒకేసారి ఆహారం మింగినా.. ఎక్కిళ్లు వచ్చే అవకాశం ఉంది. (image source - pixabay)
ఎక్కిళ్లు మంచివే..
ఎక్కిళ్ల రిఫ్లెక్స్ మెదడు సంకేతాల పెద్ద తరంగాలను ప్రేరేపిస్తుంది. ఇది శిశువులకు మేలు చేస్తాయని పరిశోధనాలు చెబుతున్నాయి. ఈ సంకేతాలు శిశువు మెదడు శ్వాస కండరాలను పర్యవేక్షించడం, స్వయంచాలకంగా నియంత్రించడం, నేర్చుకోవడంలో సహాయపడతాయి. (image source - pixabay)
ఫీడింగ్ పొజిషన్ చూసుకోండి..
పిల్లలకు ఎక్కిళ్లు వస్తే.. వాటంతట అవే ఆగుతాయి. వాటిని ఆపడానికి ప్రయత్నించాల్సిన అవసరం లేదు. వారికి అస్తమానం ఎక్కిళ్లు రాకుండా.. పాలి ఇచ్చే పొజిషన్ తెలుసుకోవడం మంచిది. బ్రెస్ట్‌ ఫీడింగ్ ఇచ్చేప్పుడు వారిని నిటారుగా ఉంచి పాలు ఇవ్వండి. దీని వల్ల కడుపులోకి అదనపు గాలి వెళ్లదు.
(image source - pixabay)
బర్ఫింగ్‌ చేయండి..
పిల్లలు పాలు తాగేప్పుడు కడుపులోకి గాలి వెళ్లే అవకాశం ఉంది. దీన్ని బయటకు పంపించడానికి.. వాళ్లు పాలు తాగేప్పుడు మధ్యలో గ్యాప్ ఇస్తూ చిన్నారిని ఎత్తుకుని.. వెన్నుపై చిన్నాగా తట్టండి. దీని వల్ల ఎక్కిల్లు వచ్చే ఛాన్సెస్‌ తగ్గుతాయి. అమెరికన్ అకాడమీ ఆఫ్ పిడియాట్రిక్స్‌కి చెందిన వైద్యుల సూచనల ప్రకారం.. బాటిల్ ఫీడింగ్ ఇస్తున్న పాపాయికి నాలుగు టేబుల్‌స్పూన్ల పాలు తాగాక గ్యాప్ ఇస్తూ.. ఆ మధ్యలో కాసేపు బర్పింగ్ చేయాలని, ఇక నేరుగా తల్లిపాలు తాగే చిన్నారులు ఒక రొమ్ములోని పాలు తాగడం పూర్తయ్యాక కాసేపు బర్పింగ్ చేయాలి. (image source - pixabay)
నెమ్మదిగా పాలు పట్టండి..
పిల్లలకు బాటిల్ ఫీడింగ్ ఇస్తుంటే.. నెమ్మదిగా ఇవ్వండి. పిల్లలు వేగంగా పాలు తాగితే.. కడుపు వేగంగా విస్తరిస్తుంది, మరియు డయాఫ్రాగమ్‌కు వ్యతిరేకంగా పుష్ అవుతుంది. దీని వల్ల ఎక్కిళ్లు వస్తాయి. (image source - pexels)
గ్రైప్‌ వాటర్‌ ఇవ్వండి..
పిల్లలు తీసుకున్న ఆహారం జీర్ణం కాకపోయినా, కడుపునొప్పితో ఏడుస్తున్నా.. చాలా మంది గ్రైప్‌ వాటర్‌ ఇస్తుంటారు. ఇది ఎక్కిళ్లను తగ్గించడానికీ సహాయపడుతుందని నిపుణులు చెబుతున్నారు. ఎక్కిళ్లు వచ్చినప్పుడు.. వారికి కొన్ని గ్రైప్‌ వాటర్‌ ఇవ్వండి. (Image source - pexels)
ఈ జాగ్రత్తలు తీసుకోండి..
- ఫాస్ట్ ఫీడింగ్ ఇవ్వకూడదు
- బాటిల్ ఫీడింగ్ ఇస్తుంటే.. సీసాను నిలువగా ఉంచవద్దు. దీనివల్ల పాలు, గాలి ఎక్కువగా వెళ్తుంటాయి.
- శిశువుకు అతిగా ఆహారం ఇవ్వవద్దు.
- పాలు పట్టిన వెంటనే.. పడుకోపెట్టవద్దు. కొంచెం సేపు ఎత్తుకోండి.(image source - pixabay)
ఎంతకీ తగ్గకపోతే..
ఎన్ని చిట్కాలు పాటించినా చిన్నారికి ఎక్కిళ్లు తగ్గకపోతే.. వెంటనే డాక్టర్ దగ్గరికి తీసుకెళ్లడం మంచిదని నిపుణులు చెబుతున్నారు. కొన్ని ఆరోగ్య సమస్యలుంటే కూడా ఎక్కిళ్లు వస్తాయని నిపుణులు అంటున్నారు. పదే పదే ఎక్కిళ్లు వచ్చినా, ఎక్కువ సేపు తగ్గపోయినా డాక్టర్‌ను సంప్రదించండి. (image source - pixabay)
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.