Baby Food : పిల్లలకి క్యారెట్ ఎప్పట్నుంచి పెట్టొచ్చు..

పిల్లలకి అవకాడో కూడా ఇవ్వొచ్చు. ఇందులో ఎక్కువగా మోనోశాచురేటెడ్ ఫ్యాటీ యాసిడ్స్ ఉంటాయి. ఈ ముఖ్య పోషకాలు బ్రెయిన్, నాడీ వ్యవస్థకి చాలా మంచివి. కొవ్వులో కరిగే విటమిన్స్ ఎ, డి, ఇ, కె వంటివి కూడా ఇవ్వొచ్చు. అవకాడోలో ఎక్కువగా ఫైబర్, ఫోలెట్స్ ఉంటాయి.

పిల్లలకి పళ్ళు వచ్చాక వారికి కాస్తా ఘనమైన ఆహారం ఇవ్వొచ్చు. ఇందులో బ్రోకలీ వంటి పోషకాలు ఉన్న ఫుడ్ ఇవ్వొచ్చు. వీటితో పాటు పొటాషియం, మాంగీన్ ఎక్కువగా ఉన్న ఫుడ్స్ ఇవ్వొచ్చు. ఇవి పిల్లల గుండె ఆరోగ్యానికి చాలా మంచిది.
​Also Read : Infertility : పిల్లలు పుట్టకపోవడానికి ఇవి కూడా కారణాలే.. ట్రీట్‌మెంట్ ఏంటంటే..​

పిల్లలు పుట్టిన ఆరు నెలల తర్వాత మెత్తని కూరగాయలని బాగా ఉడికించి మెత్తగా చేసి తినిపించొచ్చు. ఇందులో క్యారెట్స్, గుమ్మడికాయలు ఇవ్వొచ్చు. క్యారెట్స్‌లో విటమిన్ ఎ ఎక్కువగా ఉంటుంది. ఈ విటమిన్ ఎ తీసుకోవడం వల్ల ఇమ్యూనిటీ పెరుగుతుంది.
​Also Read : Abdominal Belt : బెల్ట్ వాడితే బెల్లీ ఫ్యాట్ తగ్గుతుందా..​

ఎదిగే పిల్లలకి ఐరన్, ప్రోటీన్ ఫుడ్స్ చాలా ముఖ్యం. అందుకే పాలకూరని తినిపించాలి. పాలకూరలో ఐరన్ కంటెంట్ ఎక్కువగా ఉంటుంది. దీంతో పాటు బఠానీ కూడా ఇవ్వొచ్చు. బఠానీల్లో ఎక్కువ ప్రోటీన్ ఉంటుంది. దీంతో పాటు, పొట్లకాయ, అరటిపండ్లు, బెండకాయ వంటి కూరగాయలు ఇవ్వాలి. ఇవన్నీ కూడా పిల్లల ఎదుగుదలకి సాయపడతాయి.

చిలగడ దుంపలు కూడా పిల్లల ఆరోగ్యానికి చాలా మంచిది. ఇందులో విటమిన్ ఎ, ఫైబర్, మాంగనీస్, విటమిన్ బి6, విటమిన్ సి పుష్కలంగా ఉంటాయి. ఇవన్నీ పిల్లల ఎదుగుదలకి ఎక్కవగా ఉపయోగపడతాయి. అందుకే వీటిని పెట్టాలి. అయితే, ఏం పెట్టాలి. ఏ టైమ్‌లో పెట్టాలి. ఎంత పెట్టాలి అనే విషయాలన్నీ ముందుగా మీ వైద్యుడిని అడగడం మరిచిపోవద్దు.

-డా. మమతా పాండా, సీనియర్ కన్సల్టెంట్, కేర్ హాస్పిటల్స్, భువనేశ్వర్
​గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.