యమ్మీగా ఉండే మేథీ పరాఠా..

ముందుగా ఓ బౌల్ తీసుకుని అందులో గోధుమపిండి, మెంతి ఆకులని వేసి బాగా కలపండి. ఇప్పుడు అందులోనే వాము, నువ్వులు, వెల్లుల్లి, పసుపు, కారంపొడి వేసి మరోసారి పదార్థాలన్నీ బాగా కలిసిపోయేలా ఓ సారి కలపండి.

Samayam Telugu

ఇందులోనే కొద్దిగా పంచదార, రుచికి తగినంత ఉప్పు సేంద్రియ ఉప్పు అయితే మరి మంచిది, పెరుగు వేసి పిండి మొత్తం బాగా కలిసిపోయేలా కలపండి. పెరుగు వేయడం వల్ల పరాఠాలు మెత్తగా వస్తాయి. ఇప్పుడు కొద్దిగా నూనె వేసి కలపండి. అవసరం అనుకుంటే నీరు వేసి పిండిని మెత్తగా అయ్యేలా కలపండి.

కలుపుకున్న పిండి మిశ్రమాన్ని ఉండల్లా చేసుకోండి. ఇప్పుడు వీటినే పిండి చల్లుతూ పరాఠాల్లా చేయండి.

తయారైన పరాఠాలను పెనం తీసుకుని వేడిచేసి నూనెతో రెండువైపులా కాల్చండి. అంతే ఎంతో టేస్టీగా ఉండే మేథీ పరాఠాలు రెడీ అయినట్లే.