వేసవిలో... ఆమ్‌ కా పన్నా

వేసవి వస్తే చాలు మామిడి కాయలు గుట్టలుగా అమ్ముతారు.

వేసవి వస్తే చాలు మామిడి కాయలు గుట్టలుగా అమ్ముతారు. ఉగాది కోసం కూడా మామిడి కాయలు కొనే ఉంటారుగా. వాటితో ఆమ్ కా పన్నా చేసుకుని తాగండి. చల్లగా చల్లగా గొంతులో దిగుతుంటే భలేగా ఉంటుంది.

Samayam Telugu

కావాల్సిన పదార్థాలు

పచ్చిమామిడి కాయలు - రెండు (మీడియం సైజువి), పంచదార - పావు కప్పు, జీలకర్ర పొడి - రెండు టీస్పూనులు, బ్లాక్ సాల్ట్ - తగినంత, మిరియాల పొడి - ఒక టీస్పూను, ఇంగువ - చిటికెడు

తయారుచేసే విధానం

పచ్చి మామిడికాయల్ని బాగా కడిగి కుక్కర్లో వేసి ఉడికించాలి. అవి మెత్తగా అయిపోతాయి. చల్లారాక... పైనతొక్కని తీసేసి మిగతాది గిన్నెలో వేసి గుజ్జులా చేయాలి. అందులో జీలకర్ర పొడి, మిరియాల పొడి వేసి కలపాలి. తరువాత పంచదార వేసి బాగా కలపాలి. తరువాత ఇంగువ, బ్లాక్ సాల్ట్ కూడా వేసి బాగా కలపాలి. కాసేపు అలా ఉంచేయాలి. పంచదార మొత్తం కరిగుతుంది. షర్బత్ తయారవుతుంది మిశ్రమం. అందులో నీళ్లు పోసుకుని జ్యూస్ లా చేసుకోవాలి. ఐస్ క్యూబ్స్ వేసుకుని మంచి ఎండల్లో తాగితే హాయిగా ఉంటుంది.