బంగాళాదుంపతో వడ

ఆలూ వడలు చేసుకోవడం ఎంత సులువో తెలుసా? అరగంటలో అయిపోతాయి.

ఆలూ వడలు చేసుకోవడం ఎంత సులువో తెలుసా? అరగంటలో అయిపోతాయి. మినప్పప్పు గారెల్లా నానెబెట్టుకోవడం.. అవి నానీ వరకు వేచి యుండడం వంటి బాధలేవీ లేవు. అంతేకాదు త్వరగా వేగిపోతాయి కూడా.

Samayam Telugu

కావల్సిన వస్తువులు

బంగాళాదుంపలు - రెండు (పెద్దవి), ఉల్లిపాయ - ఒకటి, మైదాపిండి - ఒక టీ స్పూను, పచ్చిమిర్చి - రెండు, జీలకర్ర - ఒక టీస్పూను, ఉప్పు - తగినంత, నూనె - సరిపడా.

తయారు చేసే విధానం

బంగాళాదుంపలను కుక్కర్ ఉడకబెట్టుకోవాలి. తొక్క తీసేసి వాటిని చేత్తోనే నలిపి ముద్దలా చేసుకోవాలి. ఆ మెత్తటి ముద్దలో సన్నగా తురిమిన ఉల్లిపాయలు, పచ్చిమిర్చి వేసి బాగా కలపాలి. అలాగే కాస్త ఉప్పు కూడా వేయాలి. ఇప్పుడు మైదా, జీలకర్ర కూడా వేసి బాగా కలపాలి. స్టవ్ మీద కళాయి పెట్టి నూనె వేసి బాగా వేడి చేయాలి. చేత్తోనే ఆలూ మిశ్రమాన్ని వడల్లా అద్దుకుని నూనెలో వేసి వేయించాలి. ఇవి త్వరగానే వేగిపోతాయి. గోల్డెన్ బ్రౌన్ రంగులోకి వచ్చేవరకు వేయించి తీసేయాలి.