బేబీ కార్న్‌‌తో టేస్టీ ఫింగర్స్

ఆరోగ్యాన్నిచ్చే ఆహారంలో బేబీకార్న్ కూడా ఒకటి.

ఆరోగ్యాన్నిచ్చే ఆహారంలో బేబీకార్న్ కూడా ఒకటి. వీటిని కూరగానూ, సలాడ్స్ లోనూ ఎక్కువగా తింటుంటాం. అలాగే బేబీ కార్న్ తో సాయంకాలం పూట తినేందుకు స్నాక్స్ కూడా తయారుచేసుకోవచ్చు. బేబీకార్న్ ఫింగర్స్ ఎలా తయారుచేయాలో చూద్దాం.

Samayam Telugu

కావాల్సిన పదార్థాలు

బేబీకార్న్‌ - పది, గుడ్డు - ఒకటి, అల్లంవెల్లుల్లు పేస్టు - ఒక టీ స్పూను, పచ్చిమిర్చి పేస్లు - ఒక టీస్పూను, ఆవ పొడి - ఒక టీ స్పూను, మిరియాల పొడి - అర టీస్పూను, బ్రెడ్ పొడి - అరకప్పు, సోయాసాస్ - టీ స్పూను, ఉప్పు - తగినంత

తయారు చేసే విధానం

ముందుగా బేబీ కార్న్ ను కడిగి పక్కన పెట్టుకోవాలి. ఓ బౌల్‌లో సోయాసాస్, ఆవపొడి, మిరియాల పొడి, పచ్చిమిర్చి పేస్టు, అల్లం వెల్లుల్లి పేస్టు, ఉప్పు వేసి బాగా కలపాలి. వాటిలో బేబీ కార్న్ వేసి ఆ మిశ్రమం బాగా పట్టేలా చూడాలి. అరగంట పాటూ అలా వదిలేయాలి. అరగంట తరువాత ఓ గిన్నెలో గుడ్డు సొనను, మరో గిన్నెలో బ్రెడ్ పొడి వేయాలి. బేబీకార్న్ ను మొదట గుడ్డుసొనలో ముంచి తీసి, అనంతరం బ్రెడ్ పొడిలో దొర్లించాలి. కళాయిలో నూనె వేసి వేడెక్కాక బేబీకార్న్ ను వేయించి తీస్తూ ఉండాలి.