నోరూరించే చాకోలెట్ బర్ఫీ

పిల్లలున్న ఇళ్లలో చిరుతిళ్లే ఎక్కువ సేల్ అవుతాయి.

పిల్లలున్న ఇళ్లలో చిరుతిళ్లే ఎక్కువ సేల్ అవుతాయి. వాళ్లకోసం తల్లులు ఏవో ఒకటి చేస్తూనే ఉండాలి. ముఖ్యంగా అవి తీయిన పదార్థాలే అవుతాయి. అందుకే పిల్లలున్న తల్లుల కోసం ఈ చాకొలెట్ బర్ఫీ రెసిపీ.

Samayam Telugu

కావాల్సిన పదార్థాలు

కండెన్స్ డ్ మిల్క్ - 400 గ్రాములు, పంచదార - ఆరు టేబుల్ స్పూన్లు, కొకో పౌడర్ - ఒక టేబుల్ స్పూను, నెయ్యి - ఒక టేబుల్ స్పూను, బాదం పప్పు - ఆరు

తయారు చేసే విధానం

ముందుగా స్టవ్ మీద కళాయి పెట్టి నెయ్యి వేయాలి. అందులో కండెన్స్ డ్ మిల్క్ వేసి స్టవ్ చిన్న మంట మీద పెట్టాలి. అందులోనే పంచదార వేసి బాగా కలపాలి. ఒక నిమిషం తరువాత కొకో పౌడర్ వేసి బాగా కలపాలి. మిశ్రమమంతా దగ్గరగా చేరి గట్టిపడడం మొదలవుతున్న సమయంలో స్టవ్ కట్టేయాలి. ఇప్పుడు ఓ చిన్న ప్లేటుకి నెయ్యి రాసి దానిపై చాకొలెట్ మిశ్రమాన్ని వేయాలి. అది పూర్తిగా గట్టిపడకముందే నచ్చిన ఆకారాల్లో కట్ చేసుకోవాలి. తరువాత బాదం పప్పును చిన్నగా తురిమి ముక్కలపై చల్లుకోవాలి. అంతే చాకొలెట్ బర్ఫీ తయారైనట్టే.