కరకరలాడే గోరుచిక్కుడు 65

చికెన్ 65, గోబి 65, ప్రాన్స్ 65... అలాగే గోరుచిక్కుడు 65.

చికెన్ 65, గోబి 65, ప్రాన్స్ 65... అలాగే గోరుచిక్కుడు 65. నిజంగానే గోరుచిక్కుడుతో కరకరలాడే స్నాక్స్ తయారు చేసుకోవచ్చు.

Samayam Telugu

కావాల్సిన పదార్థాలు

గోరుచిక్కుడు కాయలు - పావు కిలో, మైదా - 50 గ్రాములు, కార్న్ ఫ్లోర్ - 50 గ్రాములు, బేకింగ్ పౌడర్ - చిటికెడు, చిల్లీసాస్ - టీస్పూను, వెల్లుల్లి ముక్కల తురుము - 2 టీస్పూన్లు, ఫుడ్ కలర్ - చిటికెడు, కారం- అరటీస్పూను, ఉప్పు - తగినంత, నూనె - సరిపడినంత

తయారుచేసే విధానం

గోరుచిక్కుడు కాయల్ని శుభ్రంగా కడిగి తడిలేకుండా తుడిచేయాలి. ఇప్పుడు ఓ బౌల్ లో మైదా, కార్న్ ఫ్లోర్, ఉప్పు, కారం, వెల్లుల్లి తరుము, బేకింగ్ పౌడర్, ఫుడ్ కలర్ అన్ని వేసి బాగా కలపాలి. కొంచెం నీళ్లు పోసి బాగా కలపాలి. కాస్త నూనె, చిల్లీసాస్ కూడా వేసి బాగా కలపాలి. మరీ నీళ్లు ఎక్కువ వేయకూడదు. పకోడీలకు ఎలా కలుపుతారో అలా కలపాలి. ఇప్పుడు ఆ మిశ్రమాన్ని అరగంటపాటూ పక్కన పెట్టేయాలి. అనంతరం స్టవ్ మీద కళాయి పెట్టి నూనె వేసి వేడి చేయాలి. నూనె వేడెక్కాక గోరు చిక్కుళ్లను ఒక్కోదాన్ని మిశ్రమంలో ముంచి తీసి నూనెలో వేసి వేయించాలి. బాగా వేగాక తీసి సాస్‌తో తింటే మహా రుచిగా ఉంటాయి.