కొత్తిమీర పులిహోర చేసేద్దాం

కొత్తి మీర పులిహోర.. .అన్ని పులిహోరల్లాగే ఇది కూడా చేయడం చాలా సులువు.

చింతపండు, నిమ్మకాయ, గోంగూర, టమాటా... ఈ నాలుగు రకాల పులిహోరలు మనకు తెలుసు. ఇప్పుడు అయిదో రకం పులిహోర. అదే కొత్తి మీర పులిహోర. అన్ని పులిహోరల్లాగే ఇది కూడా చాలా సులువు.

Samayam Telugu

కావాల్సిన పదార్థాలు

బియ్యం - ఒకటిన్నర కప్పు, కొత్తిమీర - ఒక కట్ట, పచ్చిమిర్చి - అయిదు, మినపప్పు - ఒక టీస్పూను, శెనగపప్పు - ఒక టీస్పూను, జీలకర్ర - ఒక టీస్పూను, ఆవాలు - ఒక టీస్పూను, పల్లీలు - గుప్పెడు, చింతపండు రసం - మూడు టీస్పూన్లు, ఎండుమిర్చి - మూడు, పసుపు - అర టీ స్పూను, ఉప్పు - తగినంత, నూనె - సరిపడా

తయారు చేసే విధానం

అన్నాన్ని వండి పక్కన పెట్టుకోవాలి. కొత్తిమీర, పచ్చిమిర్చి ముక్కలు కలిపి మిక్సీలో వేసి మెత్తటి పేస్టులా చేయాలి. ఇప్పుడు స్టవ్ మీద కళాయి పెట్టి అందులో నూనె, ఆవాలు, జీలకర్ర, మినప్పప్పు, శెనగపప్పు, పల్లీలు, ఎండుమిర్చి అన్ని వేసి వేయించాలి. అనంతరం పసుపు, చింతపండు రసం వేసి కలపాలి. ముందుగా చేసి పెట్టుకున్న కొత్తిమీర పేస్టుని కూడా కలిపి వేయించాలి. బాగా వేగాక ఉడికించిన అన్నాన్ని వేసి బాగా కలపాలి. కలిపేటప్పుడు నిమ్మరసం పిండుకుంటే బాగుంటుంది. కొత్తిమీర రైస్ సిద్ధమైనట్టే.