క్రిస్పీ క్రిస్పీగా... పాలకూర కట్‌లెట్

పాలకూర ఆరోగ్యానికి చాలా మంచిది.

పాలకూర ఆరోగ్యానికి చాలా మంచిది. పాలకూర పెడితే తినే పిల్లలు చాలా తక్కువ. అలాంటి వారికి పాలక్ తో టేస్టీ స్నాక్స్ చేసి పెడితే మంచిది. వారంలో ఒకసారి సాయంత్రం పూట పాలకూరతో కట్ లెట్ చేయండి... యమ్మీ అంటూ తినేస్తారు పిల్లలు.

Samayam Telugu

కావాల్సిన పదార్థాలు

పాలకూర తురుము - పావు కిలో, శెనగలు (చనా) - 50 గ్రాములు, శెనగపిండి - 6 టీస్పూనులు, ఉల్లిపాయలు - రెండు, పచ్చి మిర్చి - రెండు, అల్లం తురుము - ఒక టీస్పూను, ఛాట్ మసాలా - ఒక టీ స్పూను, చనా మసాలా పొడి - ఒక టీ స్పూను, ఉప్పు - తగినంత, నూనె - సరిపడినంత

తయారు చేసే విధానం

ముందుగా శెనగలను గంట పాటూ నానబెట్టి, తరువాత కుక్కర్ లో ఉడకబెట్టాలి. ఉడకబెట్టిన శెనగల్ని నీరు వార్చేసి, కళాయిలో వేయించాలి. ఇప్పుడు ఒక బౌల్ వేయించిన శెనగలు, బాగా సన్నగా తురిమిన పాలకూరని, ఉల్లిపాయల ముక్కల్ని, పచ్చి మిర్చి ముక్కల్ని వేసి కలపాలి. ఇప్పుడు శెనగపిండి, ఉప్పు, ఛాట్, చనా మసాలాలు వేసి బాగా కలపాలి. ఇప్పుడు ఆ మిశ్రమాన్ని బాల్స్ లా చేసుకుని పక్కన పెట్టుకోవాలి. కళాయిలో డీప్ ఫ్రై చేయడానికి సరిపడా నూనె వేసి బాగా వేడెక్కాక బాల్స్ కట్ లెట్ చేత్తో అద్ది నూనెలో వేసి వేయించాలి. గోల్డెన్ బ్రౌన్ రంగు వచ్చేవరకు వేయించాలి తీసేయాలి. అంతే పాలకూర కట్ లెట్ సిద్ధమైనట్టు. వీటిని గ్రీన్ చట్నీ లేదా టమాటా కెచప్ లతో తింటే చాలా టేస్టీగా ఉంటుంది.