మహారుచిగా... మునగాకు పొడి!
కందిపొడిలాగే మునగ ఆకులతో కూడా రుచికరమైన పొడిని చేసుకోవచ్చు.
TNN 23 Feb 2017, 7:53 pm
కందిపొడిలాగే మునగ ఆకులతో కూడా రుచికరమైన పొడిని చేసుకోవచ్చు. మునగాకులు ఆరోగ్యానికి కూడా చాలా మంచివి కాబట్టి... ఆకుల పొడిని నిల్వ చేసుకుని తింటే మంచిది.
కావాల్సిన పదార్థాలు
నువ్వులు - ఒక కప్పు, ఎండిన మునగాకులు - ఒక కప్పు, మినపప్పు - ఒకటిన్నర స్పూను, ఉప్పు - తగినంత, ఎండిమిరప కాయ -ఒకటి, ఇంగువ పొడి - చిటికెడు
తయారు చేసే విధానం
నువ్వుల్ని బాగా కడిగి, తడి లేకుండా ఆరబెట్టాలి. అనంతరం వాటిని పాన్ లో వేసి కాసేపు వేయించి తీసి పక్కన పెట్టుకోవాలి. ఇప్పుడు పాన్ లో కొంత నూనె వేసి వేడి చేయాలి. అందులో ఎండుమిర్చి, ఇంగువ పొడి, మినపప్పు వేసి వేపాలి. అనంతరం వాటిని తీసి పక్కన పెట్టుకోవాలి. ఆ పాన్ లో మళ్లీ నూనె వేసి మునగాకుని వేసి వేయించాలి. ఆకులు రంగు మారకుండానే స్టవ్ కట్టేయాలి. ఇప్పుడు మిక్సీలో మునగాకు, ఉప్పు, వేయించి పెట్టుకున్న నువ్వులు, ఎండు మిర్చి, ఇంగువ పొడి, మినపప్పు మిశ్రమం వేసి పొడి చేసేయాలి. దానికి వేరుశెనగపలుకు, కారం కలిపి చేసిన పొడిని వేసి కలపాలి. అంతే మునగాకు పొడి సిద్దమైనట్టే. దీనికి గాలి చొరబడని డబ్బాల్లో దాచి నచ్చినప్పుడు అన్నంలో తినొచ్చు.
కావాల్సిన పదార్థాలు
నువ్వులు - ఒక కప్పు, ఎండిన మునగాకులు - ఒక కప్పు, మినపప్పు - ఒకటిన్నర స్పూను, ఉప్పు - తగినంత, ఎండిమిరప కాయ -ఒకటి, ఇంగువ పొడి - చిటికెడు
తయారు చేసే విధానం
నువ్వుల్ని బాగా కడిగి, తడి లేకుండా ఆరబెట్టాలి. అనంతరం వాటిని పాన్ లో వేసి కాసేపు వేయించి తీసి పక్కన పెట్టుకోవాలి. ఇప్పుడు పాన్ లో కొంత నూనె వేసి వేడి చేయాలి. అందులో ఎండుమిర్చి, ఇంగువ పొడి, మినపప్పు వేసి వేపాలి. అనంతరం వాటిని తీసి పక్కన పెట్టుకోవాలి. ఆ పాన్ లో మళ్లీ నూనె వేసి మునగాకుని వేసి వేయించాలి. ఆకులు రంగు మారకుండానే స్టవ్ కట్టేయాలి. ఇప్పుడు మిక్సీలో మునగాకు, ఉప్పు, వేయించి పెట్టుకున్న నువ్వులు, ఎండు మిర్చి, ఇంగువ పొడి, మినపప్పు మిశ్రమం వేసి పొడి చేసేయాలి. దానికి వేరుశెనగపలుకు, కారం కలిపి చేసిన పొడిని వేసి కలపాలి. అంతే మునగాకు పొడి సిద్దమైనట్టే. దీనికి గాలి చొరబడని డబ్బాల్లో దాచి నచ్చినప్పుడు అన్నంలో తినొచ్చు.