డ్రైఫ్రూట్స్ కుల్ఫీ ఇలా...

వేసవిలో చల్లచల్లటివి తినాలని ఉంటుంది చాలా మందికి. ఈ సమయంలో బిర్యానీ ఇచ్చినా చల్లటి నీళ్లు తాగడానికే ఎక్కువ మంది ఇష్టపడతారు. ఈ కాలంలో ఐస్ క్రీములు కూడా బాగా సేల్ అవుతాయి. ఇంట్లోనే డ్రైఫ్రూట్స్ కుల్ఫీ ఎలా చేసుకోవాలో చూద్దాం

Samayam Telugu

కావాల్సిన పదార్థాలు

పాలు - నాలుగు కప్పులు, డ్రైఫ్రూట్స్ - ఒక కప్పు, పంచదార - ఒక కప్పు, కోవా - అరకప్పు, కండెన్స్ డ్ మిల్క్ - అర లీటరు

తయారుచేసే విధానం

డ్రైప్రూట్స్ వేయించి మరీ మెత్తగా కాకుండా... పలుకుగా మిక్సీ చేసుకోవాలి. ఇప్పుడు స్టవ్ మీద బాణలి పెట్టి పాలు పోసి చిన్న మంట మీద మరిగించాలి. పాలు సగం అయ్యే వరకు మరిగించాలి. అనంతరం కోవా, డ్రైఫ్రూట్స్ తరుగు, కండెన్స్ డ్ మిల్క్ వేసి చిన్న మంట మీద మరిగించాలి. ఆ మిశ్రమం మొత్తం దగ్గరగా వచ్చి క్రీమీలా అయ్యేవరకు మరిగించాలి. ఆ సమయంలో పంచదార వేసి బాగా కలపాలి. రెండు నిమిషాల తరువాత స్టవ్ కట్టేయాలి. మిశ్రమం చల్లారాక కుల్పీ మౌల్ట్ లలో దానిని వేసి డీప్ ఫ్రిజ్ లో ఐదారు గంటలు ఉంచితే కుల్ఫీ సిద్ధమై పోతుంది.