అరటి పండుతో టేస్టీ కేక్

వెజిటేరియన్స్ గుడ్డు కలిపిన కేక్ ను తినడానికి ఇష్టపడరు.

వెజిటేరియన్స్ గుడ్డు కలిపిన కేక్ ను తినడానికి ఇష్టపడరు. అలాంటి వారి కోసం సులువుగా ఇంట్లోనే ఎగ్ కలపకుండా అరటిపండుతో కేక్ చేసుకునే విధానాన్ని ఇస్తున్నాం.

Samayam Telugu

కావాల్సిన పదార్థాలు : పెరుగు - అరకప్పు, మైదా పిండి - రెండు కప్పులు, వెనిల్లా ఎసెన్స్ - ఒక టీస్పూను, కండెన్స్‌డ్ మిల్క్ - 200 గ్రాములు, బేకింగ్ పౌడర్ - ఒక టీస్పూను, అరటిపండ్లు - రెండు, బటర్ - 50 గ్రాములు, బేకింగ్ సోడా- చిటికెడు

తయారుచేయు విధానం

ఓవెన్ ను ముందుగా 180 డిగ్రీల సెంటీగ్రేడుకు వేడి చేసుకోవాలి. ఓవెన్‌లో పెట్టడానికి ఉపయోగించే కేక్ పాన్‌ను కూడా సిద్ధం చేసుకోవాలి. ఇప్పుడు ఓ గిన్నెలో కండెన్స్‌డ్ పాలు, పెరుగు, బటర్ కలిపి బాగా గిలక్కొట్టాలి. మైదా పిండిని, బేకింగ్ పౌడర్‌ని, బేకింగ్ సోడాని బాగా జల్లించి వాటిని గిలక్కొట్టిన పెరుగు మిశ్రమంలో వేసి బాగా కలపాలి. ఇప్పుడు అరటి పండ్లను గుజ్జులా చేసి ఆ మిశ్రమంలో కలిపి బాగా కలిసిపోయేలా గిలక్కొట్టాలి. వెనిల్లా ఎసెన్స్ కూడా వేయాలి. కావాలనుకుంటే ఇందులో వాల్ నట్స్, బాదం కూడా వేసుకోవచ్చు.

పై మిశ్రమాన్ని కేక్ చేసే బేకింగ్ పాన్‌లో వేయాలి. ఆ పాన్ ను అప్పటికే 180డిగ్రీల సెంటీగ్రేడుకు వేడెక్కి ఉన్న ఓవెన్‌లో పెట్టి అరగంట పాటూ ఉంచాలి. అనంతరం బయటికి తీసి చల్లార్చి ముక్కలు కోసుకుని టీ తాగేప్పుడు సర్వ్ చేయాలి. బనానా కేక్ భలేగా ఉందంటారు ఈ కుటుంబసభ్యులు.