అరటికాయతో మంచూరియా చేయడమెలా?

చికెన్ మంచూరియా, గోబి మంచూరియా, పన్నీర్ మంచూరియా ఇవన్నీ తెలుసు... మరి అరటికాయతో కూడా మంచూరియా చేసుకోవచ్చని తెలుసా?

చికెన్ మంచూరియా, గోబి మంచూరియా, పన్నీర్ మంచూరియా ఇవన్నీ తెలుసు... మరి అరటికాయతో కూడా మంచూరియా చేసుకోవచ్చని తెలుసా? పిల్లలకు మంచి స్నాక్స్ గా కూడా ఉపయోగపడుతుంది అరటికాయ మంచూరియా.

Samayam Telugu

కావాల్సిన పదార్థాలు

అరటికాయలు - నాలుగు, క్యాబేజీ తరుగు - కప్పు, మొక్కజొన్న పిండి - పది టేబుల్ స్పూన్లు, మైదా - అయిదు టేబుల్ స్పూన్లు, సోయా సాస్ - అరచెంచా, టమాటా సాస్ - నాలుగు చెంచాలు, చిల్లీసాస్ - రెండు చెంచాలు, కొత్తిమీర తరుగు - అరకప్పు, అజినోమోటో - అర చెంచా, నూనె - సరిపడినంత, ఉప్పు - సరిపడా.

తయారు చేసే విధానం

అరటికాయల్ని ముక్కలు కోసుకోవాలి. మీర పెద్ద ముక్కలు కాకుండా మీడియం సైజులో కట్ చేయాలి. ఇప్పుడు ఓ బౌల్ లో నీళ్లు, మైదా, మొక్కజొన్న పిండి, ఉప్పు వేసి బజ్జీల పిండికి ఎలా కలుపుతారో అలా కలపాలి. ఇప్పుడు స్టవ్ మీద కళాయి పెట్టి నూనె వేయాలి. నూనె వేడెక్కాక కలిపిన బజ్జీల పిండిలో అరటికాయ ముక్కల్ని ముంచి తీసి నూనెలో వేయించాలి. అవి గోల్డ్ బ్రౌన్ రంగులోకి మారాక తీసేయాలి. ఇప్పుడు కళాయిలో కొద్దిగా నూనె ఉంచి మిగతా నూనె అంతా తీసేయాలి. ఆ నూనెలో పొడుగ్గా తరిగిని పచ్చి మిర్చి, క్యాబెజీ తరుగు వేయించాలి. అనంతరం వేయించిన అరటి ముక్కల్ని వేసి కలపాలి. అందులో అజినోమోటో, టమాటా సాస్, సోయా సాస్, చిల్లీ సాస్ వేసి కలపాలి. చివర్లో కొత్తి మీర చల్లి స్టవ్ కట్టేయాలి. అంతే అరటికాయ మంచూరియా రెడీ.