ఉల్లి కాడల రైస్ ఇలా....

ఉల్లికాడలతో టేస్టీ వెజిటబుల్ రైస్ చేసుకోవచ్చు.

ఉల్లికాడలతో టేస్టీ వెజిటబుల్ రైస్ చేసుకోవచ్చు. ఉల్లిపాయలతో చేసిన రుచే దీనికి వస్తుంది. గ్రీన్ ముక్కలతో చూడడానికి చాలా నోరూరించేలా ఉంటుంది.

Samayam Telugu

కావాల్సిన పదార్థాలు

ఉల్లికాడలు - పది కాడలు, వండిన అన్నం - ఒక కప్పు, నిమ్మరసం - రెండు టేబుల్ స్పూనులు, గ్రీన్ బఠాణీ - పావు కప్పు, పసుపు - అర టీస్పూను, సాంబారు పొడి - ఒకటిన్నర స్పూను, ఉప్పు - సరిపడా, ఆవాలు - ఒక టీ స్పూను, మినపప్పు - ఒక టీస్పూను, కరివేపాకు - నాలుగు రెబ్బలు, ఎండుమిర్చి - రెండు, జీడి పప్పు - ఆరు, నూనె - రెండు స్పూనులు

తయారు చేసే విధానం

ఉల్లికాడల్ని కడిగి మరీ చిన్నగా అలాగని మరీ పెద్దగా కాకుండా కట్ చేసుకోవాలి. ఇప్పుడు స్టవ్ మీద కళాయి పెట్టి రెండు స్పూనుల నూనె వేయాలి. అందులో ఆవాలు, ఎండుమిర్చి ముక్కలు, మినపప్పు, కరివేపాకు వేసి వేయించాలి. అందులోనే పచ్చి బఠాణి, ఉల్లికాడ ముక్కలు వేసి కూడా వేయించాలి. బాగా వేగాక సాంబార్ పొడి చల్లాలి. ఆ మిశ్రమమంతా వేగాక అందులో అన్నం, ఉప్పు వేసి కలపాలి. పైన వేయించిన జీవిపప్పును చల్లాలి. వేడివేడిగా అతిధులకు సర్వ్ చేయాలి.