బంగాళాదుంపలతో హల్వా

క్యారెట్ హల్వా, సొరకాయ హల్వాలు తిన్నారుగా... అలాగే బంగాళాదుంపలతో కూడా హల్వా చేసుకోవచ్చు.

క్యారెట్ హల్వా, సొరకాయ హల్వాలు తిన్నారుగా... అలాగే బంగాళాదుంపలతో కూడా హల్వా చేసుకోవచ్చు. చేయడం కూడా చాలా సులువు. బంగాళాదుంప ధరలు కూడా తక్కువే కనుక తరుచూ చేసుకోవచ్చు.

Samayam Telugu

కావాల్సిన పదార్థాలు

బంగాళాదుంపలు - ఆరు, పాలు - ఒక కప్పు, నెయ్యి - అరకప్పు, పంచదార పొడి - ఒకటిన్నర కప్పు, జీడిపప్పులు, బాదం పప్పులు - రెండు కలిపి గుప్పెడు, యాలకుల పొడి - ఒక టీస్పూను

తయారు చేయు విధానం

బంగాళాదుంపలను బాగా కడిగి పైన తొక్క తీసేయాలి. తరువాత వాటిని సన్నగా తరగాలి. ఇప్పుడు స్టవ్ మీద కళాయి పెట్టి నెయ్యి వేయాలి. బంగాళాదుంపలను వేసి వేయించుకోవాలి. మంటలో సిమ్ లో పెట్టి తరుగును బాగా వేయించాలి. తరుగు మాడకుండా... ఎంత బాగా వేగితే అంత మంచి టేస్టు వస్తుంది. తరుగు బాగా వేగాక పాలు, పంచదార వేసి కలపాలి. ఆ మొత్తాన్ని బాగా ఉడికించాలి. కాస్త మెత్తటి ముద్దలాగా అవుతుంది మిశ్రమం. చూడడానికి హల్వాలా చిక్కబడుతున్నప్పుడు వేయించిన బాదం, జీడిపప్పు, యాలకులపొడి వేసి బాగా కలిపి స్టవ్ కట్టేయాలి. చల్లారాక ముక్కలుగా కట్ చేసుకుంటే సరి. బంగాళాదుంప హల్వా ముక్కలు తినడానికి సిద్ధం.