ఇంట్లోనే... బంగాళాదుంప స్మైలీ

బంగాళాదుంప చిప్స్ ని ఇష్టపడే వాళ్లు చాలా మంది. వాటిలాగే కరకరలాడే బంగాళాదుంప స్మైలీలను కూడా చేసుకోవచ్చు. ఇది అమెరికన్ స్నాక్. చేయడం చాలా సులువు

Samayam Telugu

కావాల్సిన పదార్థాలు

బంగాళాదుంపలు - ఏడు, చీజ్ తురుము - ఒక కప్పు, కార్న్ ఫ్లోర్ - మూడు స్పూనులు, కారం - ఒక టీస్పూను, ఉప్పు - ఒక టీస్పూను, నూనె - తగినంత, వెల్లుల్లి తురుము - టీ స్పూను,

తయారుచేయు విధానం

బంగాళాదుంపను ఉడకబెట్టి తొక్క తీసేయాలి. వాటిని సన్నగా తురిమేయాలి. పెద్ద గిన్నెలో వాటిని వేసి, అందులో తురిమేసిన చీజ్ ని, వెల్లుల్లి తురుముని వేసి బాగా కలపాలి. ఉప్పు, కారం, కార్న్ ఫ్లోర్ కూడా వేసి బాగా కలపాలి. మొత్తం మిశ్రామాన్ని ముద్దలా అయ్యేలా బాగా కలపాలి. అవసరమైతే కాస్త నీళ్లు చేర్చచ్చు. ముద్దలా చేశాక ఆ మిశ్రమాన్ని ఫ్రిజ్ లో గంటసేపే ఉంచాలి. తరువాత తీసి చిన్న ఉండలుగా చుట్టి చిప్స్ సైజులో వత్తాలి. చాకుతో వాటిని కళ్లు, ముక్కు, నోరు పెట్టాలి. స్టవ్ మీద కళాయి పెట్టి నూనె వేయాలి. నూనె వేడెక్కాక స్మైలీలను వేసి వేయించాలి. గోల్డెన్ బ్రౌన్ రంగులోకి వచ్చాక తీసి ప్లేటులో వేసుకోవాలి. వాటిని టమోటా కెచప్ తో తింటే సూపర్ టేస్టుగా ఉంటాయి.