పచ్చిబఠాణీలతో ఈజీ స్నాక్స్

పచ్చిబఠాణీలు తింటే బోలెడంత బలం. ముఖ్యంగా పిల్లలకి మరీ మంచిది.

పచ్చిబఠాణీలు తింటే బోలెడంత బలం. ముఖ్యంగా పిల్లలకి మరీ మంచిది. స్కూలు నుంచి రాగానే ఏవో ఒకటి తినడానికి అడిగే పిల్లలకు పచ్చిబఠాణీల వేపుడు భలే మజా నిస్తుంది. వీటిని ఒకసారి చేసుకుంటే... రెండు మూడు రోజులు నిల్వ ఉంటాయి.

Samayam Telugu

కావల్సిన పదార్థాలు

పచ్చిబఠాణీలు - రెండు కప్పులు, మిరియాల పొడి - అరచెంచా, జీలకర్రపొడి - అర చెంచా, వెల్లల్లి ముక్కలు - చెంచా, ధనియాల పొడి - చిటికెడు, నూనె - సరిపడినంత, ఉప్పు - తగినంత

తయారు చేసే విధానం

ఓవెన్ లో పచ్చిబఠాణీలతో రుచికరమైన స్నాక్స్ తయారుచేసుకోవచ్చు. ఓవెన్ లో పెట్టే పాత్ర అడుగుభాగంలో నూనె రాసి పక్కన పెట్టాలి. కడిగిన పచ్చిబఠానీలను తడి లేకుండా తుడిచి ఒక గిన్నెలో వేయాలి. ఆ గిన్నెల్లోనే మిరియాల పొడి, జీలకర్ర పొడి, వెల్లుల్లి తరుగు, ధనియాల పొడి, ఉప్పు వేసి బాగా కలపాలి. ఆ మిశ్రమాన్ని నూనె రాసిన ఓవెన్ పాత్రలో వేయాలి. ఆ పాత్రని ఓవెన్లో పెట్టి నలబై నిమిషాలు బేక్ చేయాలి. మధ్య మధ్యలో బయటికి తీసి కలుపుతూ ఉండాలి. చల్లారక ఒక డబ్బాలో వేసుకుంటే మూడు రోజుల వరకు నిల్వ ఉంటాయి.