రోజ్‌ కొబ్బరి ఉండలు

అన్ని స్వీట్లతో పోలిస్తే కొబ్బరి ఉండలు చేయడం చాలా సులువు.

అన్ని స్వీట్లతో పోలిస్తే కొబ్బరి ఉండలు చేయడం చాలా సులువు. దానికి కాస్త రోజ్ కలర్ వచ్చేలా వండుకుంటే చూడడానికి కూడా బాగుంటుంది. అతిధులకు పెడితే ఇంకా ప్రత్యేకంగా ఉంటుంది.

Samayam Telugu

కావలసిన పదార్థాలు

ఎండుకొబ్బరిపొడి - రెండు కప్పులు, కండెన్స్‌డ్‌మిల్క్‌ - అరకప్పు, నెయ్యి - 3 టీస్పూన్లు, యాలకులపొడి - అరటీస్పూను, రోజ్‌సిరప్‌ - టీస్పూను

తయారుచేయు విధానం

ముందుగా స్టవ్ మీద కళాయి పెట్టి నెయ్యి వేయాలి. అది వేడెక్కాక కొబ్బరి పొడి, కండెన్సడ్ మిల్క్ వేసి కలపాలి. అందులో రోజ్ సిరప్, యాలకుల పొడి వేసి కలుపుతూ ఉండాలి. చాలా చిన్న మంట మీద దానిని ఉడకనివ్వాలి. మిశ్రమం బాగా ఉడికి దగ్గరగా అయినప్పుడు స్టవ్ కట్టేయాలి. వేడి తగ్గి కాస్త గోరువెచ్చగా ఉన్న సమయంలో చిన్న చిన్న ఉండల్లా చుట్టుకోవాలి. తరువాత వాటిని కొబ్బరి పొడిలో దొర్లించాలి. వాటిని గాలికి వదిలేయడమో లేక ఫ్రిజ్ లో పెట్టడమో చేస్తే గట్టిపడతాయి. డబ్బాలో పెట్టుకోవాలి. ఈ రోజ్ కొబ్బరి ఉండలు పదిరోజుల వరకు నిల్వ ఉంటాయి.