నువ్వులతో చికెన్ కర్రీ

చికెన్ తో ఎన్ని రకాల స్టార్టర్స్, కర్రీస్ వండుకోవచ్చో కదా

చికెన్ తో ఎన్నో రకాల స్టార్టర్స్, కర్రీస్ వండుకోవచ్చో కదా... చికెన్ కి నువ్వులను జతచేసి వండితే దాని రుచి ఇంకా పెరుగుతుంది.

Samayam Telugu

కావాల్సిన పదార్థాలు

బోన్‌లెస్ చికెన్ - అరకిలో, నువ్వులు - మూడు టేబుల్ స్పూనులు, క్యాప్సికమ్ - ఒకటి, ఉల్లికాడలు - నాలుగు, సోయాసాస్ - ఒక టేబుల్ స్పూను, పచ్చిమిర్చి తురుము - టీస్పూను, అల్లం వెల్లుల్లి పేస్టు - ఒక టీస్పూను, కార్న్ ఫ్లోర్ - రెండు టీస్పూనులు, నిమ్మరసం - ఒక టీస్పూను, నూనె - తగినంత, ఉప్పు - సరిపడినంత.

తయారుచేసే విధానం:

చికెన్ చిన్న ముక్కలు కోసుకుని బాగా కడిగి నీళ్లు లేకుండా వార్చి పక్కన పెట్టుకోవాలి. ఒక గిన్నెలో ఆ చికెన్ ముక్కలు, అల్లం వెల్లుల్లి పేస్టు, కార్న్ ఫ్లోర్, నిమ్మరసం, సోయాసాస్, పచ్చిమిర్చి తరుగు వేసి బాగా కలపాలి. ఆ మిశ్రమాన్ని నాలుగ్గంటలు ఫ్రిజ్ లో పెట్టాలి. ఆ తరువాత తీసి వండడానికి బయటపెట్టాలి. స్టవ్ మీద కళాయి పెట్టి కాస్త నూనె వేయాలి. నూనె వేడెక్కాక అందులోనే నువ్వుల్ని వేసి కొన్ని సెకన్ల పాటూ వేయించాలి. తరువాత మారినేషన్ చేసిన చికెన్ ముక్కల్ని వేసి బాగా వేయించి బయటికి తీయాలి. తీసేశాక మిగిలిన నూనెలో క్యాప్సికమ్ ముక్కలు, ఉల్లికాడల ముక్కలు వేయించాలి. అవి వేగాక... వేయించిన చికెన్ ముక్కల్ని కూడా వేసి కలపాలి. ఒక అయిదు నిమిషాల తరువాత స్టవ్ కట్టేయాలి. నువ్వుల చికెన్ ఘుమఘుమలాడేస్తుంది.