కూరగాయలు- పాలకూరతో టేస్టీ టిక్కి

ఆరోగ్యాన్నిచ్చేలా టిక్కీని కూరగాయలు, పాలకూర కలిపి చేసుకోవచ్చు.

ఆరోగ్యాన్నిచ్చేలా టిక్కీని కూరగాయలు, పాలకూర కలిపి చేసుకోవచ్చు. టేస్ట్ కి టేస్ట్... మంచి ఆరోగ్యం, ఆనందం కూడా.

Samayam Telugu

కావాల్సిన పదార్థాలు

పాలకూర తురుము - ఒక కప్పు, ముల్లంగి (మీడియం సైజు) - ఒకటి, క్యారెట్ (మీడియం సైజు) - ఒకటి, ఉడకబెట్టిన బంగాళాదుంపలు - రెండు, పచ్చిమిర్చి - రెండు, అల్లం పేస్టు - అరటీస్పూను, పచ్చిబఠానీలు - అరకప్పు, బ్లాక్ పెప్పర్ - పావు టీస్పూను, ఉప్పు - తగినంత, నూనె - సరిపడినంత


తయారుచేసే విధానం

క్యారెట్, ముల్లంగి దుంపలను సన్నగా తురిమేయాలి. ఇప్పుడు ఉడకబెట్టిన బంగాళాదుంపలు మెత్తగా చేతులతో నలిపేసి, అందులో క్యారెట్, ముల్లంగి దుంపల తురుముని వేయాలి. తరువాత పాలకూర తరుగుని వేసి బాగా కలపాలి. మిశ్రమం మరీ గట్టిగా ఉంటే... ఒకటి లేదా రెండు స్పూనుల నీళ్లు వేసుకోవచ్చు. ఇప్పుడు ఈ మిశ్రమంలో పచ్చిమిర్చి తరుగు, అల్లం పేస్టు వేసి కలపాలి. పచ్చి బఠాణీలను ఓసారి మిక్సీలో వేసి తిప్పితే సన్నగా తురిమినట్టు అయిపోతాయి. ఆ బఠాణీల తురుముని, తగినంత ఉప్పు వేసి బాగా కలపాలి. ఆ మిశ్రమాన్ని టిక్కీల్లా చేతులతో అద్దుకోవాలి. ఇప్పుడు స్టవ్ మీద కళాయి పెట్టి ఒక టీస్పూను నూనె వేసి టిక్కీని రెండు వైపులా బాగా కాల్చాలి. గోల్డ్ బ్రౌన్ రంగులోకి మారాక తీసి గిన్నెలో వేసుకోవాలి. పైన బ్లాక్ పెప్పర్ చల్లుకుని గ్రీన్ చట్నీతో తింటే మంచి టేస్టీగా ఉంటాయి.