యమ్మీ యమ్మీ స్వీట్‌ కార్న్‌ రైస్‌

పిల్లలకు ఏదో ఒక స్పెషల్ రైస్ వండి పెడుతూ ఉండాలి. ఎప్పుడూ పులిహోర, పుదీనా రైసే వండితే పెద్దగా ఇష్టపడరు. ఇదిగో మధ్యమధ్యలో ఇలా స్వీట్ కార్న్ రైస్ కూడా చేసిపెట్టండి. చేయడమెలాగో ఇక్కడ మేం చెబుతున్నాం.

Samayam Telugu

కావాల్సిన పదార్థాలు

వండిన అన్నం - కప్పు, స్వీట్ కార్న్ గింజలు - ముప్పావు కప్పు, కొబ్బరి తురుము - పావుకప్పు, శెనగపప్పు - ఒక టీస్పూను, మినప్పప్పు - ఒక టీస్పూను, పచ్చి మిర్చి - మూడు, కరివేపాకు - రెండు రెబ్బలు, మిరియాల పొడి - ఒక చెంచా, ఉప్పు - తగినంత, నెయ్యి - రెండు స్పూనులు.

తయారు చేసే విధానం

అన్నం వండి పక్కన పెట్టుకోవాలి. ఇప్పుడు వెడల్పాడి కళాయిలో నెయ్యి వేసి అందులో శెనగపప్పు, మినపప్పు, ఎండుమిర్చి వేసి వేయించాలి. అవి కొన్ని సెకన్లలోనే వేగిపోతాయి. వెంటనే కొబ్బరి తురుము, నిలువుగా కోసిన పచ్చిమిర్చి ముక్కలు, స్వీట్ కార్న్, కరివేపాకు వేసి వేయించాలి. అన్నీ సరిగ్గా వేగాయోలేదో చూసుకోవాలి. చిన్న మంట మీద వేయిస్తే అన్నీ సరిగ్గా వేగుతాయి. ఇప్పుడు ఉప్పు వేసి... ఆ వెంటనే అన్నం వేసి బాగా కలపాలి. కలపడం పూర్తయ్యాక కాస్త మిరియాలపొడి కూడా చల్లి బాగా కలిపి స్టవ్ కట్టేయాలి. అంతే టేస్టీ స్వీట్ కార్న్ రైస్ సిద్ధమైనట్టే. స్వీట్ కార్న్ కూడా ఆరోగ్యానికి చాలా మంచింది.