ఇంట్లోనే టూటీ ఫ్రూటీ కప్ కేక్

చిన్నపిల్లలు ఇంట్లో ఉన్న వాళ్లకి రోజూ ఏదో ఒక చిరుతిళ్ల అవసరం పడుతుంది.

చిన్నపిల్లలు ఇంట్లో ఉన్న వాళ్లకి రోజూ ఏదో ఒక చిరుతిళ్ల అవసరం పడుతుంది. పిల్లలు తినే చిరుతిళ్లలో కేకులు కూడా ఉంటాయి. అందుకే టూటీ ఫ్రూటీ కప్ కేక్ ను ఇంట్లోనే తయారు చేసుకోవడమెలాగో మేం ఇక్కడ చెబుతున్నాం.

Samayam Telugu

కావాల్సిన పదార్థాలు

గుడ్లు - నాలుగు, మైదా - ముప్పావు కప్పు, వెన్న - తగినంత, చక్కెర - అరకప్పు టూటీ ఫ్రూటీలు, చెర్రీ ముక్కలు - ఒక గుప్పెడు, వెనిల్లా ఎసెన్స్ - చెంచా, బేకింగ్ పౌడర్ - అరచెంచా, యాలకుల పొడి - చెంచా

తయారు చేసే విధానం

ఒక బౌల్‌లో వెన్న , చక్కెరా కలిపి బాగా కలపాలి. గిలక్కొట్టాలి. అందులో గుడ్లు పగుల గొట్టి సొన వేసి బాగా కలపాలి. బాగా గిలక్కొట్టాక అందులో మైదా వేసి కలపాలి. ఆ మిశ్రమంలో యాలకుల పొడి, బేకింగ్ పౌడర్, వెనిల్లా ఎసెన్స్ వేసి బాగా గిలక్కొట్టాలి. అందులో చిన్న చెర్రీ ముక్కలు, టూటీ ఫ్రూటీలు వేసి కలపాలి. ఇప్పుడు కేక్ కప్పులకు చుట్టూ వెన్న రాసి మిశ్రమాన్ని వాటిల్లో వేయాలి. కేక్ ఓవెన్ పైకి పొంగుతుంది కాబట్టి, నిండా వేయకుండా వెలితిగా వేయాలి. కేక్ కప్పులను తీసుకెళ్లి ఓవెన్‌లో పెట్టి బేక్ చేయాలి. అంతే టూటీ ఫ్రూటీ కప్ కేక్ సిద్ధమైనట్టే.