ఆలూ గారెలు ఎంతో రుచి

వింటే భారతం వినాలి... తింటే గారెలు తినాలి.

వింటే భారతం వినాలి... తింటే గారెలు తినాలి. ఆ గారెలు మినపపప్పుతో చేసినవే కాదు, వేటితో చేసినా రుచిగానే ఉంటాయి. కావాలంటే ఓసారి బంగాళాదుంపతో గారెలు చేసుకుని తినండి.

Samayam Telugu

కావాల్సిన పదార్థాలు

బంగాళాదుంపలు - రెండు (మీడియం), ఉల్లిపాయలు - ఒకటి, మైదా - ఒక టేబుల్ స్పూను, సోంపు - చిటికెడు, పచ్చిమిర్చి - రెండు, జీలకర్ర - ఒక టీ స్పూను, ఉప్పు - తగినంత, నూనె - సరపడినంత

తయారుచేసే విధానం

బంగాళాదుంపలను కుక్కర్‌లో మెత్తగా ఉడికించుకోవాలి. ఈలోపు ఉల్లిపాయలు, పచ్చిమిర్చి సన్నగా తరిగి పెట్టుకోవాలి. బంగాళాదుంపలు చల్లారాక చేత్తో మెత్తగా ముద్దలా చేసుకోవాలి. ఇప్పుడు ఆ ముద్దలో ఉల్లిపాయ తరుగు, పచ్చిమిర్చి, మైదా, సోంపు, జీలకర్ర ఉప్పు అన్ని వేసి బాగా కలపాలి. స్టవ్ మీద కళాయి పెట్టి అందులో నూనె వేయాలి. నూనె వేడెక్కాక బంగాళాదుంప మిశ్రమాన్ని చేత్తో వడల్లా అద్దుకుని నూనె వేయించాలి. గోల్డ్ బ్రౌన్ రంగులో వేగాక తీసేయాలి. కరకరలాగే ఆలూ గారెలు సిద్ధం.