ప్రేమికుల దినోత్సవాన జంటగా ఇలా..

ప్రేమికుల దినోత్సవాన పార్టనర్‌‌తో కలిసి మధుర స్మృతులను పంచుకోవాలని చాలా మంది కోరుకుంటారు. ఆ రోజు ప్రేమించిన వ్యక్తితో కలిసి కోరుకునేవారిలో మీరు కూడా ఉన్నారా? అయితే ఇలా చేయండి. మిగతా ప్రత్యేకమైన రోజుల్లాగే ప్రేమికుల దినోత్సవం కూడా చేతి చమురు వదిలించేదే అయినప్పటికీ.. ఈ రోజును చిరకాలం గుర్తుంచుకోవాలంటే ఆ మాత్రం ఖర్చు చేయక తప్పదు. మీ ఇష్ట సఖితో కలిసి గడపటం వల్ల పొందే ఆనందంతో పోలిస్తే.. మీరు వెచ్చించే మొత్తమేమీ పెద్దది కాకపోవచ్చు. పగటి పూట మీ ఇద్దరి కోసం ఏదైనా షాపింగ్ చేయండి.

గతంలో మీ లవర్‌తో కలిసి ఈవినింగ్ సమయంలో రొమాంటిక్‌గా ఎక్కడ గడిపారో గుర్తుందా? కుదిరితే తనను క్యాండిల్ లైట్ డిన్నర్‌కు తీసుకెళ్లండి. తనతో కలిసి క్వాలిటీ టైం స్పెండ్ చేయండి. ఇది కచ్చితంగా మీకు ప్లస్ అవుతుంది.

మీ లవర్‌తో పొరపొచ్చాలు వచ్చాయి. మీ ఇద్దరి మధ్య కొద్దిపాటి విబేధాలొచ్చాయా? అయితే ఈ వాలెంటైన్స్ డే సందర్భంగా తనకు దగ్గరయ్యేందుకు ప్రయత్నించండి. మీ మధ్య గొడవల్ని పక్కకుపెట్టండి. ఇద్దరూ కలిసి గడపండి. మీ పార్టనర్ కూడా అలా చేద్దామనే భావించే అవకాశాలే ఎక్కువ ఉన్నాయి. కాబట్టి ఇగోలను పక్కనబెట్టి మీ ఇష్ట సఖికి దగ్గరవ్వండి.

ఇక మీరు సింగిల్‌గా ఉన్నట్లయితే.. మీ స్నేహితులను కలిసేందుకు వాలెంటైన్స్ డేను ఉపయోగించుకోండి. గ్రూప్‌గా బయటకు వెళ్లేందుకు ప్లాన్ చేసుకోండి. ఎవరైనా ఇష్టపడుతూ.. తనకు మీ ఇష్టాన్ని వ్యక్తపర్చలేకపోతే.. కామన్ ఫ్రెండ్స్ ద్వారా గ్రూప్‌గా రెస్టారెంట్‌కు వెళ్లండి. చాలా రెస్టారెంట్లు భారీ డిస్కౌంట్లు ఆఫర్ చేస్తుంటాయి. కాబట్టి ఇదే మంచి ఛాన్స్.

పర్సు బరువు తగ్గే వ్యవహారమే అయినప్పటికీ.. ఏడాదికి ఒక్క రోజు వచ్చే.. వాలెంటైన్స్ డేను ఘనంగా సెలబ్రేట్ చేసుకోవడం కోసం.. మీ పార్టన్‌తో ఎప్పటికీ గుర్తుండిపోయేలా గడపటం కోసం ఆ మాత్రం ఖర్చు తప్పదు.