ఫిబ్రవరి 14కు కొన్ని రోజుల ముందు నుంచే ప్రేమికులు తమ ఈవెంట్ను ప్లాన్ చేసుకుంటారు. తమకు ప్రియమైన వారికి తోచిన గిఫ్ట్ ఇచ్చి, లేక వారికి నచ్చే నచ్చే ప్రదేశానికి తీసుకెళ్లి హాయిగా సమయాన్ని గడపాలనుకుంటారు. ప్రపంచ వ్యాప్తంగా గురువారం వాలెంటైన్స్ డే జరుపుకున్నారు. అయితే ‘వాలెంటైన్స్ డే’ అంశంపై టైమ్స్ సంస్థ నిర్వహించిన పోల్లో ఇలాంటి వాటిపై తమకు నమ్మకం లేదని నెటిజన్లు అభిప్రాయాన్ని షేర్ చేసుకున్నారు. ప్రేమికుల దినోత్సవం రోజు నిర్వహించిన పోల్లో దాదాపు 1500 మంది తమ ఒపీనియన్ వెల్లడించారు. అందులో 86 శాతం మంది వాలెంటైన్స్ డే అనే కాన్సెప్ట్పై తమకు నమ్మకం లేదన్నారు. తమకు ప్రాణానికి ప్రాణమైన వ్యక్తి వెంట ఉంటే ప్రతిరోజు ప్రేమికుల దినోత్సవమే అని చెప్పారు. అలాగని వాలెంటైన్స్ డే ఒక్కరోజే ప్రేమను వ్యక్తం చేయడం అనేది సరైన పని కాదని ఓ యువతి అభిప్రాయపడింది.
గత కొన్నేళ్లుగా ప్రేమికుల దినోత్సవం రోజు అంత సందడి కనిపించడం లేదట. తమ భాగస్వామిపై ప్రతిరోజు ప్రేమను చూపిస్తే, ప్రేమగా మాట్లాడితే ఆ జంటకు అదే పెద్ద వాలెంటైన్స్ డే అని కొందరు తెలిపారు. ప్రేమను వ్యక్తం చేసేందుకు, ప్రేమ ఉందని నిరూపించుకునేందుకు ఎలాంటి వాలెంటైన్స్ డే అక్కర్లేదని పోల్ ప్రశ్నలపై స్పందించిన వారిలో 86 శాతం మంది ఓటేయడం గమనార్హం.
గత కొన్నేళ్లుగా ప్రేమికుల దినోత్సవం రోజు అంత సందడి కనిపించడం లేదట. తమ భాగస్వామిపై ప్రతిరోజు ప్రేమను చూపిస్తే, ప్రేమగా మాట్లాడితే ఆ జంటకు అదే పెద్ద వాలెంటైన్స్ డే అని కొందరు తెలిపారు. ప్రేమను వ్యక్తం చేసేందుకు, ప్రేమ ఉందని నిరూపించుకునేందుకు ఎలాంటి వాలెంటైన్స్ డే అక్కర్లేదని పోల్ ప్రశ్నలపై స్పందించిన వారిలో 86 శాతం మంది ఓటేయడం గమనార్హం.