బాబోయ్ ఆడవాళ్లు.. ఆ విషయం గుర్తించడం కష్టమేనట!

మగాళ్లు అబద్దాలు చెబితే వెంటనే దొరికిపోతారు. వారి కళ్లను బట్టి వారు చెబుతున్నది నిజమో, అబద్ధమో ఆడవాళ్లు కనిపెట్టేస్తారని పరిశోధకులు చెబుతున్నారు. మగాళ్ల ముఖం చూడగానే.. వారు విశ్వాస ఘాతుకానికి పాల్పడుతున్నారని, తమను చీటింగ్ చేస్తున్నారని మగువలు గుర్తిస్తారట. కానీ ఆడవాళ్లు మోసం చేస్తున్నారని గుర్తించడం మాత్రం మగాళ్లకు కష్టమట. యూనివర్సిటీ ఆఫ్ వెస్ట్రన్ ఆస్ట్రేలియా పరిశోధకులు 1500 మందిపై రీసెర్చ్ చేసి మరీ ఈ విషయాన్ని వెల్లడించారు

వీరికి 189 మంది (101 మంది పురుషులు, 88 మంది మహిళలు) ఫొటోలను చూపించి ఎవరైనా తమ పార్టనర్లను చీటింగ్ చేస్తున్నారేమో గ్రహించమన్నారు. 0-10 స్కేలుపై వారి ముఖాలకు మార్కులు ఇవ్వాలని.. 0 వస్తే మోసం చేయడం లేదని 10 వస్తే.. మోసం చేసే చాన్స్ ఎక్కువందని చెప్పారట. మగాళ్లు చీటింగ్ చేసే ఛాన్స్ ఉందని మహిళలతోపాటు పురుషులు కూడా కచ్చితంగా అంచనా వేశారట. కానీ ఆడవాళ్ల విషయంలో మాత్రం అంచనా వేయలేకపోయారట. పాపం మగాళ్ల ముఖంలో నిజం అనేది కొట్టిచ్చినట్టు కనిపిస్తుందనుకుంటా. ఆశ్చర్యకరమైన విషయం ఏంటంటే.. ఆకర్షణీయంగా ఉన్న మగాళ్లు చీటింగ్ చేసే చాన్స్ ఎక్కువని చాలా మంది రేటింగ్ ఇచ్చారట.