‘పక్కింటి కుర్రాడిపై మనసు పడ్డాను.. నా కంటే ఐదేళ్లు చిన్నోడు, కానీ..’

సమస్య: నాకు 27 ఏళ్లు. వృత్తిలో విజయవంతంగా రాణిస్తున్న మహిళను. అయితే, నేను ఇటీవల నా కంటే ఐదేళ్ల చిన్నవాడైన అబ్బాయి ప్రేమలో పడ్డాను. మేం చిన్నప్పటి నుంచి స్నేహితులం. పైగా అతడు మా ఇంటి పక్కనే ఉంటాడు. మా ప్రేమ, పెళ్లికి మా కుటుంబాలు అంగీకరించవని మాకు తెలుసు. కానీ, నాకు అతడినే పెళ్లి చేసుకోవాలని ఉంది. అతడికి కూడా నేనంటే క్రష్ ఉందనిపిస్తోంది. ప్రస్తుతం అతడికి 22 ఏళ్ల. ప్రస్తుతం చదువుకుంటున్నాడు. అతడికి నా ప్రేమను అంగీకరించేంత పరిపక్వత ఉంటుందా? చాలా గందరగోళంలో ఉన్నాను. దయచేసి సలహా ఇవ్వగలరు.
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: నచ్చినవారిపై మనసు పడటం సర్వసాధారణం. ముఖ్యంగా ఎవరైతే చాలా ఏళ్ల నుంచి మనకు తెలుసో.. వారిపైనే ఆసక్తి కలుగుతుంది. అయితే, అతడు మీ కంటే ఐదేళ్ల చిన్నవాడని అంటున్నారు. మీ ప్రేమను అర్థం చేసుకొనేంత పరిపక్వత అతనిలో ఉంటుందని అనుకుంటే పొరపాటే. ముందుగా మీ ఫీలింగ్స్ గురించి మీరు ఒకసారి ఆలోచించండి. అది క్షణిక ఆకర్షణ లేదా ప్రేమా అనేది తెలుసుకోండి. అతడికి మీ మీద క్రష్ ఉందని అంటున్నారు. కాబట్టి.. ఒకసారి మీరు అతడితో మాట్లాడండి.
రోగ నిరోధక శక్తి పెరగాలా? ఈ హెర్బల్ టీతో సూపర్ పవర్
అతడు కూడా మిమ్మల్ని ఇష్టపడుతున్నాడా? మీతో రిలేషన్‌షిప్‌కు సిద్ధంగా ఉన్నాడా లేదా చదువు, కెరీర్ మీదే అతడు దృష్టి పెట్టాలని అనుకుంటున్నాడా అనేది తెలుసుకోండి. వీలైతే మీరు ప్రొఫెషనల్ కౌన్సలర్‌ను సంప్రదించి దీనిపై తగిన సలహా తీసుకోండి. తప్పకుండా మీకు ఒక స్పష్టత వస్తుంది. పైగా మీరు ఇప్పుడు అతడితో ప్రేమ, పెళ్లిని మీ కుటుంబం అంగీకరిస్తుందా లేదా అనే ఆందోళనలో కూడా ఉన్నారు. భవిష్యత్తు గురించి చింతించకుండా ప్రస్తుతం అతడికి మీపై ప్రేమ ఉందో లేదో తెలుసుకుని ఒక స్పష్టతతో ముందుకెళ్లండి. మీ సక్సెస్‌ఫుల్ కెరీర్‌పై దీని ప్రభావం పడకుండా జాగ్రత్తపడండి.
‘ఆఫీసులో ఓ అమ్మాయితో రొమాన్స్.. నా భార్యకు తెలిసింది, కానీ..’
సలహా ఇచ్చినవారు: రాచనా అవత్రామణి, కౌన్సెలింగ్ సైకాలజిస్ట్, ముంబయి

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)