డైవర్స్ సెల్ఫీ.. కొత్త ట్రెండ్ షురూ..!

డాక్టర్‌గా పనిచేస్తున్న రాధిక తన భర్తతో విడిపోవాలని నిర్ణయించుకుంది. దాదాపు పదేళ్ల వివాహ బంధానికి విడాకుల పేరుతో స్వస్తి పలకడం తనకి ఏ మాత్రం ఇష్టం లేదు. కానీ.. ప్రతి రోజు వేధించే భర్తతో వేగలేక విడిపోవడమే మంచిదనుకుంది. అయితే సమాజానికి ఏం చెప్పాలి..? ఎలా చెప్పాలి..? గొడవపడి భర్తతో విడిపోతే అతను తనని ప్రశాంతంగా ఉండనిస్తాడా..?

అప్పుడే రాధికకి ఒక ఆలోచన వచ్చింది. భర్తతో సామరస్యంగా మాట్లాడి విడాకులు గురించి తన తుది నిర్ణయాన్ని చెప్పేసింది. కొంతకాలానికే కోర్టు కూడా విడాకులు మంజూరు చేయడంతో.. విడిపోయేటప్పుడు భర్తతో సరదాగా గడిపి ఒక సెల్ఫీ తీసుకుని #happy divorce పేరుతో సోషల్ మీడియాలో పోస్ట్ చేసింది. ఈ పోస్ట్‌ చూసిన కొంతమంది ముచ్చటైన జంట విడిపోతున్నందుకు బాధ వ్యక్తం చేస్తే.. మరికొందరు ఫ్రెండ్స్‌ అభినందనలు తెలుపుతూ కామెంట్ చేశారు. ఏది ఏమైనా తను భయపడి.. బాధపడిన సమస్యలకి ఒక్క సెల్ఫీతో పరిష్కారం లభించడంతో రాధిక ఫుల్ హ్యాపీ.

  A post shared by 7sisters.ru (@7sisters.ru) on
ప్రస్తుతం ఈ డైవర్స్ సెల్ఫీ‌లు ఇంటర్నెట్‌ని ఊపేస్తున్నాయి. కొందరైతే ఏకంగా విడాకుల పత్రాలతో కలిసి సెల్ఫీలు దిగుతుంటే.. మరికొందరు ఫేస్‌బుక్ లైవ్ ద్వారా ఫ్రెండ్స్ అందరికీ తాము విడిపోతున్నట్లు చెప్తున్నారు. ‘ఛీర్స్.. నా జీవితానికి విముక్తి లభించింది’, ‘స్నేహంగా హితునితో విడిపోతున్నాను’, ‘ప్రేమికుడితో కలిసి జీవించేందుకు వేసిన నాటకం ముగిసింది’ అంటూ డైవర్స్ సెల్ఫీ‌తో సోషల్ మీడియాలో కొంతమంది రాసుకొచ్చారు.

  More excited than out our wedding day. #heresyoursign #divorceselfie A post shared by Carissa (@healthy_happy_mom_) on