బీర్ తాగితే.. బెడ్రూంలో రెచ్చిపోతారట.. ఈ మోతాదులోనే సుమా!

బీర్ తాగడం ఆరోగ్యానికి మేలు చేస్తుందా? లేదంటే హానికరమా? అతిగా తాగితే పొట్ట రావడంతోపాటు ఆరోగ్యపరంగానూ ఇబ్బందులు తలెత్తే ప్రమాదం ఉంది. కానీ మితంగా బీర్ తాగడం ప్రయోజనకరమేనట. ముఖ్యంగా పడక గదిలో రెచ్చిపోవాలని కోరుకునే మగాళ్లకు ఓ గ్లాస్ బీర్ కిక్కునిస్తుందట. రోజూ పింట్ బీర్ తాగితే బెడ్రూంలో మగాళ్ల పర్ఫార్మెన్స్ పెరుగుతున్నట్టు ఓ అధ్యయనంలో తేలింది.

పింట్ బీర్ తాగితే చాలు, అంతకు మించి తాగినా అదనంగా వచ్చే ‘ప్రయోజనాలు’ ఏమీ లేవని పరిశోధకులు తెలిపారు. ఓ పింట్ బీర్ లేదా చిన్న గ్లాస్ వైన్ తాగడం వల్ల నపుంసకత్వం బారిన పడే అవకాశాలు 34 శాతం తగ్గుతున్నాయట. కొద్ది మోతాదులో ఆల్కహాల్ తీసుకోవడం వల్ల శృంగార పరమైన అంశాల్లో మహిళల్లో ఎలాంటి మార్పు కనిపించడం లేదని పరిశోధకులు తెలిపారు.

పింట్ బీర్‌లో సగం తాగినా నపుంసకత్వ ముప్పు 26 శాతం తగ్గుతుందని పరిశోధకులు గుర్తించారు. అతిగా తాగడం వల్ల అంగస్తంభన సమస్యలపై ప్రతికూల ప్రభావం పడుతుందని గతంలో జరిపిన పరిశోధనల్లో వెల్లడైంది.